المشاركة الأصلية كتبت بواسطة Jemmy
[SIZE="6"]ألــــــــــف ألـــــــــــف مبـــــــــــــــــروك
[SIZE="4"]يا ترى اشتريتها بكم ومن أين؟
[SIZE="4[COLOR="DarkOrange"]هل تستخدم الاستبترونيك؟ وما هو انطباعك عن الاتوماتيك؟[/SIZE]
[SIZE="4[COLOR="DarkOrange"]هل هذه اول مرة تركب اتوماتيك ام متعود عليه؟[/SIZE]
[SIZE="4[COLOR="DarkOrange"]برجاء الاهتمام بالاجابة عن كل الاسئلة لاننى انوى شراءها قريبا باذن الله ولم اركب اتوماتيك من قبل رغم اننى اركب مانيوال منذ اكثر من ثلاثين سنة وشكرا مقدما[/SIZE][/SIZE][/SIZE]
|
الله يبارك فيك
الحمد لله انا اشتريت العربية من محمد زكي فى القطامية ونصيحة حاول تاخد العربية من الشركة الام او من اى موزع معتمد ولو مالقيتش يبقى رقم 3 من سمير ريان وده الترتيب المفضل ليا عشان محدش يزعل
انا اشتريت العربية بـ 83 الف استلام فورى لانى بصراحة مش عايز احجز وانتظر العربية 5 شهور طبعا من وجهة نظرى اقتصاديا انا الكسبان لانى دفعت فى العربية 3 الاف زيادة لكن استفادتى بيها فى الفترة الجاية اكبر من فرق السعر
وكمان موضوع التسليم فى الميعاد ده ما بقتش حاجة مضمونة لان العربية عليها ضغط شديد وحجز من اكثر من دولة فى حين انى سمعت ان المصنع لا ينتج اكثر من 170 الف عربية فى السنة وفيه خط انتاج ب 140 الف معرفش اشتغل ولا لسه
لو فعلا ناوى تشترى انزل حالا الطارق او سمير ريان لان الشركة مافيهاش وكمان محمد زكى ما عندوش عربيتى كانت اخر واحدة والله وبإذن الله مش هتندم
اما انطباعى عن الاوتوماتيك شوف يا سيدى انا بسوق عربيات مانيوال من حوالى 10 سنيين لكنى لم امتلك السيارات الا من 4 سنوات وكانت كل سواقتى ما نيوال وكنت احيانا بركب عربية اوتو لمسافات لا تتعدى 2 كيلو وكنت بقنع نفسى ان سواقة المانيوال متعة وده احساسى فعلا لكن من اسبوعين اضطرنى الظروف ان اسوق عربية اوتوماتيك لمدة يوم كامل عملت بيها مسافة طويلة فيها اشارات ومنحنيات ومطبات وزحمة وغيره حسيت فعلا انى كنت موهوم بقيادة المانيوال تعرف الفرق بين المانيوال والاوتو زى ايه؟
زى اللى طالع السلم واللى راكب الاسانسير
احكم انت بقى
اما موضوع ستيبترونيك فانا عن نفسى بستخدم المانيوال والاوتو الاتنين يعنى فرحان بالعربية وبحب اعمل حركات لما يكون حد قاعد جنبي هههههههه
باختصار زى ما كتير كتب عنها
صفقة رابحة رابحة رابحة (من وجهة نظرى)
والسلام