رد: سخان غاز كريازى فصل خالص ؟
انا من انصار السخانات الغاز بصراحة خاصة لو عندك غاز طبيعى مش انبوبة هيبقى حل اقتصادى وعملى جداً عن الكهرباء
مشاكل السخانات الغاز بتنحصر فى التالى (ده بالنسبة للحاجات اللى اعمارها مابين 5 - 10 سنين بعد كدة يفضل تغيرة خالص )
دائرة الاشعال
1- العطل الاكثر شيوعاً البطارية فى حالة انها مش شغالة او ضعيفة هتلاقى السبارك او التكات ديه مش مسموعة ولا متشافه
2- عطل زرار التشغيل او مفتاح ال on - off خاصة لو بتستخدمة كتير وارد يبوظ وممكن يتلغى او يتعملة كوبرى ويفضل السخان شغال على ضغط المية
بس كدة دائرة الاشغال بسيطة كدة عبارة عن ولاعة كبيرة بس
مشاكل ضغط المية خد بالك فى الاتجاهين السحب والدفع بمعنى ممكن تكون المية عندك قوية وتمام بس الخرطوم بتاع المية السخنة مسدود وده كتير اوى بيتسد جرب تفكة وتشوف بس خد بالك علشان بتبقى المية سخنة جداً من السخان مباشرة
وعامة السخانات الغاز عايزة السباكة تكون مظبوطة
__________________
جميع موضوعاتى حصرية لمنتدى مصر موتورز ولا اسمح بنقلها
|