استاذى المحترم / عادل عمران
انا سمعت بنصيحتك وقلت اجرب واشوف السعر هيكون كام
واسمحلى انى اقولك لاقيت الاتى :-
1- الموقع بيختارلى فى فتره اسبوع من ضمن عربيات كتير اللانوس .. بكام بقى فى الليله ؟؟؟ 218.35 ج
2- مسموحلى فى الاسبوع دا انى امشى 1050 كم يعنى 150كم فى اليوم ودا طبعا رقم حلو جدا بالنسبه لباقى معارض العربيات اللى اغلبها بيسمح ب 100 كم بس فى اليوم بس بعد كده الكيلو الزياده بكام ؟؟؟؟ ب 1.82 ج فى حين ان المعارض التانيه اللى قلتلك عليها من شويه بتدى الكيلو متر ب 1 ج بس ويمكن ساعات اقل كمان لو معرفه
3- وعلى فكرة دا شامل فلوس التامين ضد الحوادث للعربية والاشخاص
ولكن !!!!
استاذى انا ماينفعش واعتقد ان كتير من شباب المنتدى هنا ماينفعش انه ياجر عربية لانوس ب 220 ج فى اليوم .. وكمان عداد مش مفتوح
على فكرة موضوعك هايل جدا بس اعتقد انه ينفع شريحه تانيه خالص وماينفعش اننا نقارن بين شركتك والشركات التانيه اللى بنشوف اعلاناتها فى ملحق الاهرام بتاع الجمعه
زى كده الفرق بين الفور سيزون وبين هيلتون رمسيس
الفور سيزون بيقدم خدمه هايله وممتازه وفيها مميزات مش ممكن تلاقيها فى اى فندق تانى بس الليله فيها ب 5 ايام من هيلتون رمسيس اللى بيقدم برضه خدمه مش وحشه
عموما دا راى شخصى وربنا يوفقك
نسيت اقولك ان اسعار شركتك على الموقع اللى انت كاتبه فى المشاركه الاخيره يعتبر من ارخص الاسعار مقارنة بالمواقع اللى حضرتك كتبتها فى اول الموضوع .. واللى برضه كان من ضمنهم شركه حضرتك
وشكرا