بص يا باشا فى ناس كتير قوى بتشكر وفى spy 2 way وده صورته
وللامانة الصورة منقولة من موضوع احد الاعضاء كان ركب الانذار ده
وخلى بالك :-
1- يوجد ريموت واحد 2wayوالثانى ريموت عادى
2- هناك موديل حديث من هذا الجهاز وهو بيكون حجر البطارية بتاع الريموت ابو شاشة حجر شحن ( مش عارف بيشحن ازى ) بس بيوفر بدل ما تغيير بطارية كل شوية عشان الشاشة
3- مواصفات الجهاز كثيرة
4- سعره حوالى من 400 الى 450 بالتركيب تقريبا
هناك نوع اخر برده spy وده صورته
ركبته فى عربيتى عشان شكل الريموت نفس شكل الريموت الاصلى وللاسف فكيته بعد حوالى ثلاث اسابيع لان حسيت ان صوته واطى شوية وده سعره من التوفيقة حوالى 180 جنية وبيركب عند احد المحلات بحوالى 350 شامل التركيب بس مش عاوز اذكر اسمه عشام محدش يزعل
هناك نوع اخر وده افضل لانى مركبة فى عربية اخرى من حوالى 4 سنوات وهو انذار foma وعلى فكرة انا ركبت لسيارتى واحد من نفس النوع بعد ما فكيت الانذار السابق وده سعره حوالى 150 جنية من التوفيقية
ومميزاته حلوة عشان ممكن تغيير اى ريموت واى شكل انت عاوزه
بالنسبة لتركيب جهاز الانذار بيكون فى حدود 50 جنية تقريبا
اما بالنسبة للوحدات الرفع بيتم تركيبهم بحوالى 150 شامل السعر والتركيب ولو حضرتك نزلت التوفيقية هيكون هناك نوعين
1- فوما والماكينة بحوالى 35 جنية ( الماكينة بتقوم برفع بابين )
2- نوع تايوانى ده الافضل بحوالى 40 او 45 جنية (الماكينة بتقوم برفع بابين )
3- فى نوع ماكينة واحدة ترفع الاربع ابواب بحوالى 60 جنية بس كله مشكرش فيها لان لو باظت باظ الاربع ابواب معا
بالنسبة للتركيب وحدة الرفع بيكون بحوالى 25 جنية
واسف لو كنت اطلت عليك بس حبيت انقل لحضرتك تجربتى لانى لسة مركب الحاجات ده فى عربيتى واى استفسار تحت امرك وانا مع رقم تليفون الراجل بتاع التوفيقية وكمان تليفون الكهربائى الى ركب لى الانذار بس هو فى مدينة نصر وشغله نظيف جدا لانه متخصص فى الانذار والكاسيت فقط