عايز يا جماعه أعرض عليكم فكره عاجبانى جدا
وعلشان اعطى كل زى حق حقه ... هى مش فكرتى ...
هى فكره زميلنا العزيز : د.كمال
الفكره دى هى عباره عن اننا نعمل موضوع مثبت يكون فيه بعض بيانات الاعضاء
زى : اسم العضو واسمه الحقيقى - رقم تليفونه - المدينه والمنطقه اللى ساكن فيها - مجالات الخبره
واى معلمومات تانيه عن العضو نقدر اننا نستفيد بيها
الهدف من الموضوع دا اكتر من حاجه ...
1- انه يكون فيه ترابط اكبر بين الاعضاء عن طريق معرفة اسمائهم الحقيقه او فى حالة غياب اى عضو لفتره ( لا قدر الله ) يبقى عندنا رقمه نقدر نسأل عليه
2- استفادة الاعضاء من بعض فى حالة السفر لاى مكان هما مش عارفينه ( دليل المسافر )
بمعنى انى لو مثلا مسافر العريش او اسماعيليه ومش عارف فيها اى حاجه .. هبتدى انى ادور على العضو اللى من العريش او اسماعيليه فى الموضوع واحتفظ بتليفونه معايا وانا مسافر بحيث انى لو تهت او حبيت اساله عن مكان معين انا مش عارفه يبقى هو اكتر واحد يقدر يدلنى وخصوصا لو على طريق سفر ومافيش حد ممكن اساله عن الطريق الصح وبالتالى احنا كده هنحس اننا مخدومين من بعض فى جميع محافظات مصر
3- الاستفاده من مجالات خبرات كل واحد فينا زى مجال عمله لو دكتور او مهندس او صيدلى او ايا كان .. عن طريق الموضوع هقدر اعرف العضو بيشتغل ايه او خبرته فى ايه وهبتدى اوجه سؤالى ليه هو مباشره
والحقيقه انا واحد من الناس اللى استفدت مره من الموضوع دا من احد الاعضاء
انا عارف ان الموضوع ممكن يكون مجموعه من مواضيع اتعملت كتير قبل كده بس الميزه فى الموضوع انه مثبت وبالتالى هنقدر نجيبه بسهوله مش هنقعد ندور عليه بالساعات لحد ما نلاقيه دا غير انه هيشوفه اكبر عدد ممكن من الاعضاء بعكس المواضيع الغير مثبته واللى ممكن مانشوفهاش لو اتحدفت فى الصفحات الاخيره نتيجه عدم الرد
الاشتراك فى الموضوع هيكون عن طريق ارسال رساله خاصه ليه وهيتم نزول اسم العضو والبيانات فى الموضوع
طبعا يا جماعه الموضوع مش اجبارى على حد ... لان الموضوع فى النهايه خدمى من اعضاء المنتدى لانفسهم ...
** وللعلم : الموضوع مغلق حتى لا يتم وضع مشاركات بين بيانات الاعضاء فتؤدى الى ضياع بيانات الاعضاء فى المنتصف ويفقد الموضوع فائدته.
اتمنى الاقى مشاركه ايجابيه مننا للاستفاده من الموضوع بأكبر قدر ممكن
يمكنك مراسلتى على الخاص عن طريق الضغط على الايقونه التاليه :