المشاركة الأصلية كتبت بواسطة SIEMENS 82
مساء الخير
على رجالة الفا روميو فى مصر موتورز
لية استفسار وياريت حد يفدنى يا جماعة
انا قدامى عربية الفا روميو ... الفا سوود موديل 1977 حالتها معقولة بس انا خايف من قطع الغيار انى ادبس فيها ومعرفش الاقى قطع الغيار مع العلم ان صاحبها عاوز فيها 14 الف ..يا ريت يا جماعة حد يفدنى اجبها ولا لأ ابعد احسن ...انا عارف ان الموديل بعيد شوية بس هنعمل ايه  ياريت حد يقولى عشان انا محتار ولكم جزيل الشكر.... |
انفد بجلدك. أولا أنا و الله من عشاق السيارة الأسطورية ديه لكن كل اللي بيتكلم علي توافر قطع الغيار بيضحك علي نفسة. أنت بتتكلم علي رفرف و بلية عجل و شوية حاجات قليلة. أنا ليه واحد صاحبي كان عنده 146 موديل 1997 و كان متمرمت بيها كل الكهربا بتاعتها صعبة و كل ما بورده تبوظ يدوخ عليها و في الاخر كارت ال انجكشن باظ و أعد كام شهر مش لاقيه و بعد كده ما أعرفش عمل فيها ايه. العربيات ديه عايزه و كيل محترم يصونها و يوفر لها قطع الغيار. و العربيات ديه عشان أسعارها و أسعار قطع الغيار لا يمكن تنتشر لكن هي ليها طعم خاص و عايزه و احد عنده زوق راقي في العربيات و عايز يجيب عربية يتمتع بسواقتها مش واحد زينا بيجمع مقدم و يدفع قسط عشان يجيب حته كوري يلم فيها العيال.