[حازم عامر]

المشاركة الأصلية كتبت بواسطة ehab62 طبعا انا اول ماجيبت العربية كنت خايف انقل من الاوتوماتيك الى المانيوال والعربية ماشيةلان كل اللى راكب الكرولا كان بيحذرنى من كده ودى كانت حاجه خنقانى لانى لو طلبت معايا اشد مع واحد وانا ماشى فى الطريق لازم اقف الاول وبعد كده انقل للمانيوال ده يكون اختفى من قدامى لغاية ما دخلت على الموقع ده وسالت وتم الاجابة انه شىء عادى انك ممكن تتنقل بين الاتنين وانت ماشى بس فضلت مقلق لغايه ما عرفت السبب فى الكرولا انه اصلا فتيس مانيوال وبيتحول للاتوماتيك بنظام MMT اما فى الكيا فهو اتوماتيك اصلا وبيتحول للمانيوال بنظام ستيبترونيك المهم فى يوم كنت ماشى بالليل على المحور ولقيت عربية كيا ريو 2010 وكان بيشد معايا وانا على الاتوماتيك وطبعا قولت اكيد هاكله فى ثانية مع ان المشكله ان كل مسافة لازم انا هو كنت لازم ننزل لسرعة 90 ك عشان فى اربع رادارات ثابتة على الطريق بس انا اعتبرتها ميزة عشان اشوف سحب العربية المهم عملت كيك داون وسحبت يا معلم وكان هو قدامى تقريبا ب 30 متر وادوس وادوس ومافيش فايده مش عارف اجيبه وبقيت هاتجنن المسافة زى ماهى مع انى عارف ان موتورى اقوى قلت جايز عشان العربية عندى اثقل وبعد كده فكرت انى اجيب المانيوال وفوجئت بعربية تانية تحت رجلى لدرجة انى افتكرت ان الريو رفع رجله من على البنزين وعديت منه طلقة كانه كان واقف وانا ماشى بسرعه 80 ك المهم وقفت انا وهو فى اخر المحور ناحية 6 اكتوبر عند اول مطب صناعى وسالته ليه انت رفعت رجلك من على الدواسه لقيته قالى انا كنت هاخرم الدواسة برجلى بس لقيتك فاضل ورايا لفترة وبعد كده لقيتك عدتنى بسرعة جدا كانى راكب بسكليته وقولته انى حولت للمانيوال قالى فرق معاك كتير وعرفت لاول مرة الفرق ان المانيوال اللى فى العربيه اسمه فى الكاتالوج سبورت درايف وبيخلى الموتور بيطلع كل طاقته بدليل انك لو ماشى على التالت فى المانيوال وهديت عشان مطب صناعى بتلاقيه نزل لوحده من التالت للتانى للاول لو انت هديت خالص وفى نفس الوقت لو انت وصلت ل 6000 ار بى ام بيتحول لوحده للغيار الاعلى عشان يحافظ على موتور السيارة والتجربه دى غيرت نظرتى تماما للعربيه واكتشفت ان تحت رجلى وحش وديع بس انت انكشه بسptmnlo123per122 وهاتلاقيه اتحول لسيارة رياضيه جداا فى حدود 1600 سى سى هاكمل ليكم بعدين

موضوع رائع