رد: عربيتي اتسرقت كيا سيراتو 2011 باذنجاني لوحات : ب ر ن 937
الرد دا منقول للأفادة:
لو عربيتك اتسرقت او تعرف حد اتسرقت عربيتة هما مكانين كوم السمن و الجعافرة متهيألي في القليوبية
وعلشان
تدخلها بتعدي علي جزيرة و بعد كدة جزيرة تانية ومتحاولش الشرطه مش بتدخل
هناك انت لازم تدخل مع حد من سكان المنطقة او مسجل خطر لو متعرفش حد
هتلاقي شباب حلوين علي اول الجزيرة بتدفع 200 جنية لاي واحد و بيدخل معاك
برشاش
لحد اماكن العربيات المسروقة وهي بتكون في تقسيمة لكل نوع
يعني جزء للسيراتو و دي اكتر عربية عليها الطلب و المازدا و الهونداي
ومكان بعيد شوية للعربيات الالماني.
اياك ثم اياك لو شفت عربيتك
ومعاك المفتاح تقرب منها او تفتحها هاتتعمل تبولة هتلاقي معلم للنصبة
الواد اللي داخل معاك لازم يروح يكلمة بالسيم و بعد كده هايقولك هايرجع
عربيتك بكام وبتدفع 500 جنية دخول مخزن مينمم تشارج يعني
بس اعمل حسابك في مبلغ حلو يعني لو عربيتك ب 100 الف ممكن ياخد من 10 ل 20 الف جنية عربيات الماني بيعدي 20 لحد 50 الف
وخد رخصة العربية علشان يتاكد انك صاحبها.
الافضل تروحو اتنين متروحش لوحدك وتكون سايب خبر مع حد انت رايح فين علشان لما تتأخر يعرفو ميروحوش يدورو عليك فين
اه ما تفتكرش ان انذار ب 300 جنية هايحمي العربيه انسي يا برنس
الصنايعية
اللي في شارع دمشق مثلا كلهم بيركبو أجهزة الإنذار تقريبا في مكان ثابت
في مختلف السيارات، مما يسهل الوصول إليه، وبمجرد فصل الكهرباء عن الجهاز
أو رميه يح بيبقي ميفرقش عن فتاحه قزايز و في الاغلب كمان الحرامي بيكون
واخد كورس مع كهربائي
اما اذا كنت من اصجاب البي ام او المرسيدس احب اقولك كان غيرك اشطر العربية مش بتتفتح بمفتاح
وحده
التحكم بتاع عربيتك اللي موجود جنب البطارية بيتفك و الحرامي بيحط مطرحه
واحد تاني ب 400 جنية مش بيحتاج باسوورد ودة بيخلية يدور العربية و يعمل
اللي هو عايزة وكل سرقة بيستخدم نفس الوحدة مادام نفس الموديل
ومدورش
في الحرفيين لان عربيتك مش هاتروح هناك الا في حالة واحدة لما تكون اتقطعت
و بقت قطع غيار ساعتها تشتري بسكلته و تربطها بجنزير في عامود بيتكم
هذا و الله الموفق و المستعان
|