[donhorus]

المشاركة الأصلية كتبت بواسطة أسامة محمد جابر السلام عليكم ورحمة الله وبركاته لكل إخوانى وأخواتى مسافرى طريق مصر إسكندرية الصحراوى -: ركز معايا :- * من أول طريق الرماية وعند كل نقطة مرور على الطريق خلى بالك فيه كاميرات تصوير ثابتة ومخالفتها بـ 500 جنيه عند تجديد الرخصة. * تانى حاجة ومهمة جدا قبل مدخل مدينة السادات بحوالى 500 متر فى تحويلة للطريق الخدمى ( من أول مدخل مدينة السادات إلى الرست هاوس ). * ثالت حاجة وأهمهم عند الكيلو 106 وتحديدا أخر التحويلة وقدام إستراحة ماستر بالضبط إنتبــــــــه وهدى سرعتك جدا ويفضل إنك تشغل الإنتظارلآنك هتدخل منطقة مطبات صناعية طويلة إلى حد ما مع ضيق فى الطريق ليستوعب سيارتين فقط وذلك لوجود مدخل مدينة وادى النطرون ووجود أعداد كبيرة من عبور المشاة .ولو حضرتك جاى من إسكندرية برضه هدى سرعتك لوجود نفس المطبات بالجهة الأخرى من الطريق ووجود موقف للسيرفيس . مع العلم اليوم كان فيه حادثة كبييييرة أوى فى الرست ويقدر عدد السيارات التى تضررت بحوالى 32 سيارة وذلك بسبب الشبورة الكثيفة. * وأخر حاجة وأهميتها متقلش عن إلى فاتت لإنك مضطر للسير ببطئ لوجود شبورة مائية كثيفة جدا فى المنطقة من أول مزارع دينا أو قبلها . * لو وصلت الرست هاوس وعاوز تركن لغاية الشبورة متخف شوية أو تنتهى على يمينك إستراحة ماستر وبعدها برضه كافيتيريا وجمبها هتلاقى فى مكان مبيت للسيارات النقل وخلافه تقدر تركن فيها. * لو كملت سفرك ومن بعد ما تعدى الرست هاوس ومطباته خلى بالى بعد حوالى 17 كيلو هتلاقى مدخل الساحل الشمالى وعنده كوبرى بيتم إنشاءه وهدى سرعتك ولو لقيت عربيات النجدة بتقلك إركن يبقى تركن لأنه ممكن يكون فى لا قدر الله حادثة ولا حاجة قدامك فرجاء تعيرهم إهتمامك حفاظا على سلامتك . وترجعلنا بالسلامة . تحياتى .

الف الف شكر