[الشاذلى حسن]

الموضوع ده أنا عامله لغير المتخصصين عشان نعرف يعنى ايه بنزين 80 او 90 او 92 والعربيه اللوجان تاخد انهو بنزين



اولا الغرفه اللى بيحصل فيها الحريق يعنى مخلوط الهوا والبنزين بيولع فى غرفه بفعل الغازات الناتجه عن الاحتراق بتدفع البستم ويمشى البستم بفعل قوة الدفع ده مشوارمعين بطول معين . طيب هل كل نوع موتور ليه نوع بنزين معين ايوه يعنى كل ما زاد المشوار اللى بيمشيه البستم لتحت بيزيد الاوكتان يعنى فى مواتير الشاهين وال28 والمواتير القديمه المشوار اللى بيمشيه البستم صغير لذلك تشتغل ببنزين 80 والسيارات الاحدث الجزء المشوار بيكون اكبر فبالتالى تاخد بنزين اعلى 92،90، 95 وهكذا طيب وده ليه عشان البنزين 80 عامل زى واحد ايده قصيره فممكن يدفع البستم مسافه صغيره وال90 اطول شويه يزق اطول شويه وهكذا طيب لو عربيه شاهين حطت مثلا بنزين 90 يبقى ده معناه ايه معناه إن البنزين هيدفع البستم لنهاية مشواره ولسه فيه طاقه يدفع اكتر بس المشوار خلص فيطلع فى العادم عن طريق الشكمان وهو لسه بعنفوانه عشان كده تلاقى الميكانيكيه بيقولوا التسعين سخن بياكل الشكمان طيب لو موتور حديث الشركه المصنعه موصيه 92 وحطيت انا 90 مثلا ايه اللى هيحصل البنزين هيدفع البستم مسافه وقبل النهايه هيخسع يبقى ققلنا من عزم الموتور وهيبدا الموتور يخبط .
يبقى لو حطيت بنزين اعلى من المطلوب يبقى خسارة فلوس بس وممكن الشكمان يتاكل اسرع اما لوحطيت بنزين اقل الموتور قطعا هيتاثر ده علاوه على ان اداء العربيه هيبقى ضعيف وانا لما بحثت فى أحد المواقع عن البنزين المناسب للوجان وجدت انك تحاول ماتحطش اقل من 92