[aliyaldin]

السلام عليكم اخوانى انا عندى مشكلة أرجو المساعدة ولكم جزيل الشكر عندى دايو نوبيرا 2002 اتوماتيك وقبل العيد بيومين وانا فى مشوار وقفت بيا على مطلع كوبرى ومرضيتش تتحرك واتصلت بالميكانيكى وجع ومعاه طلمبة بنزين وركبها لاكن دون فائدة شك فى طلمبة البنزين انها تكون عطلانة ومع ذلك اشتريت طلمبة جديدة وركبها ومع ذلك السيارة ماأتحركتش شك فى الفتيس وبس على الزيت وقالى زيت الفتيس ناقص مع ذلك زود الزيت وبعد محاولات عديدة اتحركت حوالى متر ووقفت تانى وكانت بطلع عادم اسود دليل على ان البنزين لم يتم حقه قالى نضع السيارة على الكمبيوتر عشان يقرأ العطل وبالفعل حصل والجهاز قال حساس شكمان وغيرنا حساس الشكمان مشيت شويه وبقت تقف وندورها ثوانى وتهرتل وتقف تانى وعلى الحال ده رحت بيها عند واحد عنده جهاز تانى ووضعناها على الجهاز مرة تانية قال العيب كنترول اشتريت كنترول استيراد ومشيت كام يوم وحصل نفس العطل تانى رحت لواحد كهربائى قال العيب مش كنترول العيب فى ضفيرة الموتور وفك الضفيرة وكل اللى عمله لف سلك الضفيرة بشريط اللحام وقالى الرشاشات تالفة وركب طقم رشاشات هونداى اكسنت ومشيت بالعربية مشيت حوالى اسبوع وبعدين بقيت القيها فجاءة بتتكتم ومفيش سحب وصوت الموتور عالى وتدخن دخنة سوداء واحاول اجيب مرشدير احس ان العربية مكلبشة وبترجع بالعافية بعد ما بدوس بنزين بشدة رحت لكهربائى تانى قالى العيب فى البوجيهات والببينة وفعلاً غيرهم ومشيت وجرب معايا العربية لاقها وهى واخدة سرعة فجاءة بطبطئ ولما نضغط على دواسة البنزين بشدة تزيد السرعة فجاءة وقالى روح لميكانيكى معين هو عارفه انه شاطر ورحت واول ما ركب العربية وحاول يجيب مرشدير لاقها بترجع بالعافية ومكلبشة وقالى العيب فى الفتيس ورحت لبتاع الفتيسات وجرب وقالى العيب فى الفتيس ومرضيتش اعمل حاجة إلا اما أتأكد من حد تانى وفعلاً رحت لبتاع فتيسات تانى وجرب وقالى المكنة مكتومة ده عيب مكنة وانا استويت من المصاريف اللى اتصرفت من قبل العيد لغاية اليوم أرجو الإفادة وجزاكم الله خير الجزاء واسف على الإطالة ولكم جزيل الشكر والسلام عليكم.