[بيرو]

انا عايز اضيف (زى عادل امام فى شاهد مشافش حاجة)

لا انا بالمرة يعنى طالما فتحنا الموضوع دة (ليبيا ) يبقى فى حاجات مهمة احب اقولها لكل واحد عايز او بيفكر او فعلا قرر انة يجي ليبيا

1- لازم تيجى طيران لان البرى قفل تماما من اكتر من سنة لكن فى الخروج(العودة لمصر) ممكن برى
ثمن التذاكر بيختلف من شركة الى اخرى اغلى واحدة هى مصر للطيران وبتبقى فى حدود 2200 جنية مصرى والعودة خلال 3 شهور وارخص حاجة هى شركة البراق بحوالى 1700 جنية
مصر للطيران كل يوم فى طيارة على الاقل وكمان البراق والافريقية واليبية تقريبا كل يوم
فى كمان طيرات بتيجى من الاسكندرية لكن يومين فى الاسبوع الاثنين والجمعه
وكمان فى من مطار اسيوط يوم فى الاسبوع

2- معظم المصريين موجودين فى بنيغازى وطرابلس وانا شخصيا اشجع طرابلس اكتر من بنيغازى
لانها طبعا العاصمة وفرص العمل اكتر وكمان المرتبات اعلى

3- لو جاى يبقى لازم تغيير فلوسك الى الدولار من مصر لان الجنية صعب جدا تغيرة هنا

4- فى حالة العودة لاقدر اللة من غير عمل (دة للاحتياط فقط)لو انت تذكرتك عودة خلال 3 شهور يبقى مفيش مشاكل هترجع بيها .... ولو مش كدة يبقى ممكن ترجع برى ارخص طبعا يعنى من طرابلس الى الاسكندرية بالنقل السريع الليبى (دى شركة اتوبيسات ليبية واوعى تركب شرق الدلتا) ب 55 دينار يعنى حوالى 235 جنية مصرى

5- بالنسبة للاجراءات وانت خارج من مصر مفيش اى اجراءات وانت داخل مطار طرابلس الظابط هيديك ختم دخول شهر غير صالح للعمل.... متخافش .... كلنا خدناة ... انت بتدخل ولما ربنا يكرمك بشغل بتعمل اقامة على الشغل ويبقى وضعك فى السليم ... لو اشتغلت ومعملتش اقامة واو اشتغلت حر مش مع حد يعنى او معملتش لاى سبب بردو مفيش مشكلة وانت خارج بتدفع 100دينار غرامة وتخرج ..... لو مش معاك خالص بردو مفيش مشكلة ارجع برى والبرى ما بيطلبوش حاجة غير انك ترجع مصر

هبقى اكملكم الباقى وتعمل اية فى ليبيا المرة اللى جاية