المشاركة الأصلية كتبت بواسطة AboNoRa
انا مش هتقل عليك كام سؤال صغيرين تسلى بيهم صيامك بكره
اولا الاسئلة السياراتية
ايه حكاية جمعيه الحق في الحياه و اية موقفك من غبور وهيونداى عموما
احكيلنا عن زكرياتك مع 127
ناوى تعمل ايه بعد الدراسة واية مشاريعك للحياة العملية
ثانيا الاسئلة الشخصية
كلمنا عن اصحابك فى المنتديات
بما انك لسه عزبانجى حبيت اسئلك ناوى تتجوز ولا لسه مش بتفكر ولو بتفكر فى الموضوع ايه مواصفات بنت الحلال اللى انت عايزها
اوصفلنا يومك فى رمضان شكلة ايه
|
هوا فيه اولا و ثانيا ptmnlo123per195
ماشي ياعم اسأل براحتك
احنا في رمضان بأه ptmnlo123per122
ههههههههههه جمعيه الحق في الحياه ابدا دي جمعيه للغلابه اللي زيي من ملاك هيونداي المفتري عليها اللي حاسس ان احسنلهم مادام معاهم العربيات دي انهم ينتحرو
هيونداي شركه محترمه و الدليل ريفيوهاتها بره و ناس مش بتهزر
اما غبور فهو توكيل به سلبيات اه ززحمه جددددددا بس مش زي ما الناس بتصور
تحس انه اول ماتيجي سيرته الناس تقولك ده عميل و خاين و حاطط قنبله في كل عربيه علشان يموتنا و اشياء من هذا القبيل
يعني انا مش بدافع عنه بس نفسب الكلام يبقي واقعي و الناس متجريش ورا الموجه و تبدا الاشتغالات
ال 127 يااااااااااااااه ده انا اكتب فيها كتب
اللي عمري ما هنساه بالعربيه دي اول مشوار بيها العربيه واخدها من عند الميكانيكي و كله تمام و اول مشوار للكليه الساعه 8 الصبح في نفق الهرم و اداراك ما نفق الهرم لعنه الجيزه كلها
الطريق مشي ادام اجيب الاول هووووووووووب عصايه الفتيس تطلع في ايدي ptmnlo123per144 و الناس تزمرررررررر و تشتم و انا هنجت جوا العربيه و مش عارف اعمل ايه
طلعلهم بيها و رفعتها قلتلهم اهه اتخلعت كان ورايا صف سواقين ميكروباصات سخسخو من الضحك و نزلو زقو معايا المسخره ان كنت مشغل نجوم اف ام وبيتكلمو عن حاله المرور و بيقولو مش عارفين الهرم واقف كده ليه هههههههههههههههههههههههه
بعد الدراسه
بالنسبه للحياه المهنيه فانا اؤمن ان الطب مهنه اللاتقليديه
بمعني لو مشيت تقليدي اخري في عياده او مستوصف
انما الابتكار في تحديد مسارك بيوصلك
فاحتمال اني اعمل معادله و زماله و اهج بره
او الفكره الاكثر جنونا اني اتقدم لوظيفه ضابط متخصص بالقوات المسلحه او الشرطه "محدش عنده واسطه
"
اصحابي في المنتديات ناس زي العسل
بس اخاف ارص اللسته احسن انسي حد
بص انا راسم لمستقبلي كده خطه كروكي و مبدئيه
يعني ناوي ابدا في الخطوبه و الكلام ده علي سنتين كده بعد التخرج بسنه و الجواز حسب تساهيل ربنا
المهم بنت الحلال اكيد هقول الحاجات التقليديه متدينه محترمه بنت ناس " دي مهمه جدا عندي " مستواها الاجتماعي قدي لا هتجوز تفيده بنت عبمتجلي ولا شاكيناز بنت رستم بيه " بشوف افلام قديمه كتير
"
بس اهم حاجه اني ارتاحلها و علشان ارتاح لواحده ده صعب جدا لاني عامه صعب الارضاء و موسوس و بتلكك في اشياء ممكن تكون صغيره و تافهه
يومي في رمضان
الاستيقاظ الساعه 11 الجلوس امام الكمبيوتر للساعه 1
انزل اتمشي مع صحابي او ادام التليفزيون لغايه الفطار
بع دالفطار التراويح ثم الخروج للساعه 2 كده
ارجع اتسحر اصلي الفجر انام
بس كده
هاااااااااااااااااااا هل من مبارز
اي اسئله تانيه