في ليبيا حصل ثورة زي 25 يناير.. و في سوريا حصل زيها..
نزل الملايين مخدوعين بوعود الديموقراطية و الرخاء و سوريا اللي حاتبقي سويسرا في 100 يوم.. إلخ.. يمكن لأن محدش اتعلم من تجربة ثورة الصومال إللي حولتها من دولة بيحكمها الجنرال "سياد بري" إلي خرابة بتحكمها المحاكم الإسلامية...
الربيع حصل أثناء ترقب الإسلامجية - دراع الصهيونية اليمين - عشان يشوفوا الوضع حايرسى علي إيه.. و بعدها يتدخلوا وقت اللزوم.. و يخطفوا ضباط سوريين يدبحوهم و يرموا جثثهم في الشارع.. مع قنص كام واحد من المتظاهرين و يشتعل الموقف.. الناس تتأثر بخطاب مبارك.. و الميدان يقرب يفضا.. فتحصل موقعة الجمل.. و هكذا..
و تصدر التعليمات للخلايا النائمة في الجيش الليبي و السوري.. و كل خائن معاه كتيبة ينشق بيها...
هو دا الواقع اللي أدى إليه الربيع العربي.. و دعاوى إسقاط الجيوش و تفكيكها.. عشان "تابعة للنظام السابق".. و "الجيش حاجة و قياداته حاجة".. (زي ما بالضبط أقولك: إنت حاجة و دراعك اليمين حاجة) إلي آخر الهبل اللي بتردده من غير ما تفكر حتى في محتواه..
لا شفنا مع الربيع الأسود دا خير.. و لا رخاء و لا تقدم من أي نوع.. بتنام و تصحى علي تفجيرات و أشلاء أبرياء و جثث محروقة مع تذكرك للوعد اللي قالوه في بؤرة رابعة الإجرامية "حانفجر مصر"...
الربيع موصلناش غير إلي دمار في كل دولة دخلها.. و ياريت تبطل النغمة المملة بتاعت "بسبب الفلول و الثورة المضادة".. عشان لو كان في فلول بالقوة دي مكانتش الحكام اتغيرت و لا الأنظمة سقطت من الأصل..
عارف إن 30 يونيو بتجيبلك أرتكاريا ككلجي مدمن "أمير ألفا" قاعد تحلم بالمدينة الفاضلة.. أو إسلامجي عبيط مدمن برسيم قاعد تحلم إنك تحارب المقاتلات الأمريكية بالنبال و الخيول..
بس يا ترى كان بقي إيه الموقف لو حصل في سوريا و ليبيا ثورة زي 30/6.. زي ما حصل 25 يناير؟
كانوا وصلوا للوضع دا؟
