رد: بخصوص اسماء الاعضاء برجاء مشاركه الجميع
للاسف فى عضو هنا مسمى نفسه مسطول وكاتبها بالانجليزى mastool وانا بصراحة بستعجب ايه الاسم ده والادارة مشافتوش والا ايه ولو كانو شافوه مش كان مفروض نبهوه
انا معرفش العضو ده على فكرة ومفيش اى مداخلات حصلت بيننا بس الاسم لافت نظرى من زمان واخونا حازم لما فتح الموضوع افتكرته
وواحد مسمى نفسه واحد شاى وغيره كتير لدرجة انى مرة انطسيت ف نافوخى وقلت اشمعنى انا بس ياواد ياخالد اختار اسم يفتكروه كلهم واللى يقراه مرة مينساهوش ابد وحاجة يجتمع عليها الكل ويحبوها وقد كان
واختر ت اسم لذيذ خاااااااالص
هو
هو
هو
ملوخية بالارانب
بس طبعا ضحكت جدا وانكسفت من نفسى وقلت عيب ده انت راجل كبير ملوخية ايه وارانب ايه افرض الاعضاء كل واحد جاب رغيفين وافترسوك هتعمل ايه انت ساعتها وغيرت رايى وملقيتش احسن من اسمى الاصلى
وعقبال كروزير م ييجى هنا ويقول لنا دماغه فيها ايه غير الفيرنا والاهلى والكشرى
التعديل الأخير تم بواسطة خالدخليفة ; 11-06-2010 الساعة 05:47 AM
|