[بدر بسيونى]

المشاركة الأصلية كتبت بواسطة sam ram متجمعين على خير دايما ان شاء الله ما شاء الله انا شايف الشمس طالعه في الصور الخارجيه و الجو بقى جميل في اسكندريه بجد نفسي ربنا يسهل و اقدر اكون معاكم في مقابله من المقابلات الحلوه دي ان شاء الله قريب وربنا يجعل كلامنا خفيف ... علشان انا شايف اللي قالو جايين و مجوش اتفضحوا في الفضائيات ربنا يسترها علينا جميعا

والله ياسامح باشا انت واستاذ احمد فاروق السيد الشخصيتين اللى نفسى اتعرف عليهم ولسه ماقابلتهومش برغم انى اعرفهم من فترة فى من المنتدى وياريت نتقابل فى اقرب فرصة ان شاء الله

المشاركة الأصلية كتبت بواسطة hazem_khidr بسم الله الرحمين الرحيم تمت الحمد لله بنجاح المقابله رقم ....... بصراحه مش فاكر الرقم من كتر المقابلات الممتازه و كان لي شرف لقاء العديد من الاعضاء الممتازين و المحترمين جميعا بدايه اتفقت مع احمد بدر علي انه يصحيني الصبح بدري علشان اجي و احمد عارف ان نومي خفيف جدا و قد كان و صحيت بعد الاتصال رقم 13 ..احم احم (ياباشا براحتك طالما جاى من المحلة للاسكندرية عشان المقالبلة بس يبقى براحتك) (مش بقولكم نومي خفيف) و نزلت و سافرت و قولت ادخل اصلي في احدي الجوامع علي الطريق كانت الساعه 12 و ربع مثلا و قولت الشيخ حيخلص علي طول لكن هيهات و مخلص صلاه الجمعه الساعه واحده و ربع في كفر الزيات !!!!!! و الحمد لله الطريق كان فاضي و جريت علي 140 و 150 علشان اوصل و اقابل الناس دي كلها. و الحمد لله وصلت علي الساعه اتنين وربع و الحمد لله قابلت ناس كان نفسي اقابلهم 1.استاذ نبيل :عمدتنا و كبيرنا 2.استاذ اشرف: رجل من الزمن الجميل 3.استاذ علي :ابو كريم و دلوقتي بس عرفت كريم جايب اخلاقه العاليه دي منين (وعرفته مستوى ابنه الضايع فى اللغة العربية وعرفنا مين المدرس اللى ضيع ابنه ) 4.استاذ ايمن:ذوق و دماسه خلق (وحيضيع احمد بدر فى موضوع اسطوانة الغاز وعلى فكرة ياجماعة اللى عاوز يقلب عربيته غاز استاذ ايمن منصور عندكم وللاستفسار معلش لبستك يااستاذ ايمن ) 5.استاذ مهران :رجل الجولف الاول في المنتدي (مبروك عليه العروسة وربنا يباركله فيها) 7.استاذ محمد نعيم: حيبقي رجل الجولف الاول بعد ما كريم باع له عربيه مهران (وخلاص المنتدى تمم الصفقة دون الرجوع لمهران ) 8.استاذ كريم علي: شاب محترم ربنا يبارك له و يسعده دايما هو اخوه مازن و يبعده عن شر البنات اللي واقع فيها واحد صاحبه (معتز بتاع البنات العميل وربنا يكرم مازن ويطلع بيكتب عربى وبالنسبة لكريم خلاص الوقت خلص وعدى واحنا قابلينا كده) 9.استاذ محمد فيصل: رجل لا يحب التدخين (لا بس دماغة حلوه فى الاكل شهادة حق) فريق الشيشه(بتسيح لينا كده): 1.استاذ بدر :ما زهقتش من الكلام معاه امبارح بجد تحس انك تعرفه من سنين رغم ان دي تاني مره نتقابل وجها لوجه فيها (والله انت اللى زى العسل بجد وانا استمتعت كتير اوى والله وفعلا المقابلة ليها طعم مختلف بيك وكانت حتبقى احلى لو ابونورا واستاذ حازم كمان جم بس تتعوض وحكلمك لما انزل المحلة ان شاء الله ) 2.استاذ هشام باهي :اسكندراني متنكر في زي قاهري و طبعا خفه دم و اخلاق عاليه مش انا اللي حتكلم عليه و لا عن اخلاقه الواضحه في كل مشاركاته (وزى العسل وجه متاخر 5 دقايق لافتتاح مراسم مهرجان الشيشة الدولى وطلع شييش قديم ومحترف ) 3.احمد بدر: و نعم الاخ و الصديق. (عسل اسكندرية وعمى وهو عارف ليه هو عمى وقدوتى فى الحياة واسمحولى امنح لقب عمى من هنا ورايح واللقب التانى بتاعه هو عارفه والله باشا ياباشا ) و بحمد الله اني قضيت يوم مع اخواتي الكبار و الصغار كان يوم ولا اروع الصراحه

والله صحبتك انت ياحازم وحكاويك من احلى اوقات المقابلة ويارب نتقابل دايما على طول

المشاركة الأصلية كتبت بواسطة نبيل عبدالرحمن سعدت بوجودى مع هذه الصحبة الجميلة من أعضاء المنتدى الكرام وأتمنى أن تدوم هذه اللقاءات سواء هنا فى الإسكندرية أو فى أى مكان آخر

الشرف لينا بجد يااستاذ نبيل والمقابلة اللى جايه ان شاء الله من حنسيبك تمشى ابدا

المشاركة الأصلية كتبت بواسطة Bahi وأفتقدت مجلسك أيضا يا نبيل بك فأغفر لى وتقبل منى خالص أسفى على اهدار فرصة لقائك الكريم للأسف ان شاء الله سأترك الاسكندرية قاصدا القاهرة بعد ساعة واحدة من الآن وسافقد حتى فرصة لقاء أخوتى الكرام حتى صدفة فى أحد شوارع حبيبتى عروس البحر المتوسط وأدعو الله بقلب صادق أن يحفظكم جميعا ويسعدكم كما أسعدتمونى وحتى يجمعنا بأذنة سبحانة وتعالى على الخير كلة فى لقاءات قريبة

توصل بالسلامة ياباهى باشا ورحلة جميلة وبجد انا اتشرفت بمعرفتك ونتقابل على خير ان شاء الله

المشاركة الأصلية كتبت بواسطة karem ali طبعا يا جماعه انا مش قادر اقول ليكم اد ايه انا سعيد جدا بل المقابله الى كانت امبارح و انا شاء الله نتقابل على طول و متشكر ليك جدا يا استاذ حازم على سفرك و كمان حضورك المقابله و يارب عقبال كل مره كده وشكرا ليكم جميعا

المهم ياكيمو عرفنا مشكلة المدرس بتاع العربى بتاعك وحاولنا انقاذ مازن وربنا يناجيه والله انت شب زى العسل بجد ومعتز واطى عشان بيبع الرجالة اللى زى العسل دى عشان مزز