وداعا داستر :(
وداعا رينو داستر يا احلى عربية شوفتها لحد دلوقتى
انا هحكيلكو حكايتى باختصار انا قررت اغير عربيتى اخر السنة وكان ميزانتى فى حدود 120,000 فكان اختيارى ما بين الكروز و الانترا والفلونس والسيراتو لحد ما شوفت الداستر بالصدفة ماشية جنبى انا الصراحة مكنتش اعرف عنها حاجة الصراحة العربية عجبتى جدا بس فى نفس الوقت قلت دى رينو والعربية ماشاء الله عليها شكلها جامد فقلت اكيد دى هتبقى غالية بس ومن ساعتها العربية متلعطش من دماغى ففى يوم قلت اشوف سعرها كام من باب الفضول لقيت ال 4*2 ب 127,000 فقعت افكر ياترى ممكن وبعدين لقيت المنتدى ده ودخلت على العربية وقعدت اقراء كل حاجة عن العربية دى الصراحة انا وقعت فى عشقها وقعت ادخل على كل الفيديوهات بتعتها ورحت اتفرجت عليها كذا مرة وقعدت احلم باليوم اللى هجيبها فيها لحد ما حصل حاجة الفلوس قصرت معايا من 127,000 الى 100.000 بس فطبعا راح الحلم و راحت الداستر وقررت اشترى سيراتو 2013 مانيوال ب 103,000 لانها احسن حاجة موجودة فى السوق على اد فلوسى
انا عايز اشكركو بجد لانكم سبب اقتناعى بالداستر ولانها عربية ملهاش حل بجد جزاكم الله خيرا وياريت يكون قرار السيراتو صح والسلام عليكم
|