عندي استفسار صغير ياجماعه بخصوص رش العربيه
الحمد لله بعد ما ربنا سترها معايا من حدثه كانت ممكن تدمر العربيه
حبيت ارش العربيه عشان حصل فيها شويه خدوش في الاكصدام نتيجه الحدثه دي غير ان كان فيها اصلا شويه خدوش وطقطقه في البويه
المهم عرفت اني ممكن اعملها فرن او ارشها عادي
روحت سالت عن واحد قالي ان العربيه هتترش في الكابينه...هل الكابينه اللي هو بيتكلم عليها دي هي الفرن؟؟؟
وسواء اه اولا ....ايه ميزت انه يرش العربيه في الكابينه؟...ايه اللي جوه يعني؟
انا معلوماتي عن الفرن ان العربيه بتدخل بعد ماتترش...ووهو فعلا عباره عن فرن بمعني انه في كويلات ساخنه حول العربيه عشان تثبت البويه....الكلام ده صح ولا ايه؟؟
يعني عشان مطولش عليكو انا عايز اعرف الفرق بين الفرن والكابينه ...كل واحد بيشتغل ازاي....وهل ممكن العربيه تترش من غير لا فرن ولا كابينه..(زي ما بشوفهم في الشارع كده ...ورق جرايد واديها)
ياريت حد يوضحلي الموضوع ده
الف شكر ...وكفانا الله شر الحوادث