رد: !! KK or Wrangler
موضوع كبير .... الله يكون فى عونك ..
حضرتك محتاج حد عنده الكى كى علشان يقدر يفيدك فى التفاصيل الصغيرة الى حضرتك بتسأل عنها
ياريت لو حضرتك نزلت و اتفرجت بنفسك على العربيتين ... انا ركبت الكى كى مرة واحدة و كانت ظريفة جدا .. و ان كنت تشعر ان فيه تشابه فى التابلوه و القعدة مع الرانجلر ... نفس الاضاءة .. نفس دورانات التابلوه ... تشابه فتحات التكييف
داخل المدينة .. فى المطر ... او فى الطرق السريعة ... حضرتك بتمشى دفع خلفى عادى زى اى عربية تانية .... الدفع الرباعى حضرتك بتستخدمه لما بيكون فيه واحدة من العجل بتفرك على الفاضى ( غرزت ) او خايف ان واحدة من العجل تفرك ... فبتشغل الدفع الرباعى علشان الاربع عجلات يلفوا مع بعض ... فلو حصل ان واحدة منهم فركت ... الثلاثة الباقيين يجروا العربية بدلا منها
طيب ايه التأثير على العربية ؟؟ ماتمشى دفع رباعى على طول ؟؟
الدفع الرباعى بيعمل حمل زيادة شوية على الموتور .... فتلاقى العربية صوتها عالى و بتاكل بنزين اكتر ... و بطيئة فى الحركة
متابع معاك
__________________
|