[محمد عبد الفتاح الكومى]

المشاركة الأصلية كتبت بواسطة ابوشروق جميله ربنا يباركلك فيها احكيلنا عنها شويه مميزاتها وعيوبها

ماشى يا ابو شروق شوف يا سيدى بس الاول انا عايز اقولك ان انا كانت معايا اردة او بمعنى اصح rd زى اللى حضرتك عارضها فى توقيعك المهم عربيتى دى اوبل اسكونا موديل 1984 وهى كانت بتنتج لحد 89 وبعدين نزلت الفيكترا من 1990 كتطور طبيعى او امتداد للاسكونا ومنها ثلاثة طرازات اسكونا A واسكونا B وبعدين عربيتى اسكونا C دى كانت نبزه صغيره عنها اما عن المميزات فهى السياره جر امامى موتور 1600cc غالبا هو اللى فى الفيكترا مع فروق بسيطه العربيه تقيله على الارض وثابته جدا كمان واسعه اوى من جوه نسيت اقولك ان منها برده اللى موتورها 1800 و2000 cc اوتوماتيك وفتحة سقف وزجاج كهرباء وعدادت ديجيتال وrpm وفرش مخمل إلخ ولو ان عربيتى مانيوال فاضيه للاسف وتلاقيها منتشره اوى فى الاردن وسوريا ولبنان وفلسطين الحبيبه فك الله كربها اما عن العيوب من وجهة نظرى المتواضعه برده اولا التصميم الخارجى لجسم العربيه صعب تحدد هو بومبيه ولا زوايا حاده فهو فى اماكن حاد الطباع وفى مواضع اخرى يعتمد البومبيه وثانيا عندنا فى طنطا قطع الغيار مش متوفره اوى وان كانت كل حاجات الفيكترا تقريبا بتركب عليها لكن فى القاهرة فحاجتها كتيرة جدا ورخيصه وبالذات فى شارع شامبليون فى وسط البلد وتحديدا عند طارق حموده وسرور وفى الوكاله عند اسماعيل القرش وابو يوسف فى الحرفيين واوتوربيع فى عين شمس من جسر السويس وطبعا كده يتضح ان ده مش عيب فيها وانما العيب انى من طنطا يارب اكون عرفت اجاوب عليك كويس من غير ما اكون ازعجتك ومشكور مره تانيه على الرد ودول كمان صورتين جداد لها من عندى اه صحيح نسيت اقولك لو دخلت على جوجل وكتبت Opel Ascona وبالذات يوتيوب ستجد ما يدهشك