[حمادة ونور]

المشاركة الأصلية كتبت بواسطة queen شكرا لتوضيحك وياريت الناس تفهم ان المشكله فى السواقه فى مصر هى مشكله عقليه وتربيه وادب مش راجل وست . المصريين عندهم مشكله فى دماغهم فى السواقه معرفش مرض ولا غباء ولا قله ادب متفهمش بدليل ان الرخصه المصريه متساويش تعريفه خارج مصر لان الدنيا كلها تعرف اننا بنسوق بالدراع مش بأصول القياده. وياريت كل راجل بيتريق على سواقه ست يحط نفسه مكانها للحظات ويتخيل ان دى اخته او زوجته اللى مكتوب عليها تدرس او تشتغل ومضطره تنزل كل يوم من بيتها تتحشر فى ميكروباص ولا اوتوبيس ( على حسب حالتها ) وتتهان وتتبهدل ويتحرش بها كلاب السكك اللى ماليين الشوارع ولو فكرت تعترض ولا تزعق او تدافع عن نفسها تسمع كل ما لا يحمد عقباه من الافاضل اللى عايزين يروحوا مشوارهم بالسلامه من غير عطله . ويتقالها معلش مكنش يقصد المسامح كريم مع( همهمه كده ان الستات مش محترمه اساسا ايه اللى نزلها م البيت. او ما تركب تاكسى احسن) وفى الآخر لما تحترم نفسها وتصون كرامته وعرضها وتحاول تتعلم تسوق عشان تحفظ ادميتها وتلتزم بدينها . تيجوا حضراتكو تتريقوا وكان كل واحد اتولد شوماخر فى السواقه. مع ان كل واحد فى بدايته لما اتعلم بهدل الدنيا والناس اتريقت عليه . يعنى فى كل الأحوال مش عاجب نركب مواصلات نتبهدل . نسوق عربياتنا نتشتم وتتريقوا . يبقى المشكله عند مييييييييييييين؟؟؟:12422A ~17: ده غير ان الست حتى لو سايقه كويس وماشيه فى امان الله على جمب تلاقى اللى بيعاكس واللى يخوفها مره واحده واللى يصر انه يعدى قبلها فى ملف على الرغم انها داخله قبله لانه هو راجل ولازم يسبقها ياريت كل واحد شايف نفسه شوماخر . لما يشوف ست اتلخبطت وعملت غلطه وهى سايقه يبقى يساعدها او ينصحها بدل ما يخوفها بكلاكسه ولا يرمى عليها . مش انتو بردو القوامون؟؟؟؟؟ اعتذر للإطاله وياريت محدش يزعل

الله ينور عليك حضرتك جبت من الاخر وقولت الصح اللى المفروض يتعمل وانا ساعات ببقى عايز اسيب مصر بحالها بسبب السواقة وقلة الادب واكيد طبعا الكلام ده عمره ما يزعل حد ابدا