رد: كرسى الاطفال فى السيارة
أولا شكرا يا فطومة على فتحك لمثل هذه المواضيع الهامة
ثانيا لن اضيف على كلامك أي شيء يبرز أهمية وضرورة وجود كرسي الأطفال في السيارة ولكن دعيني أقول لكي وللأعضاء جميعا مثال بسيط جدا يوضح مدى اهمية وضرورة كرسي الأطفال
بنتي "ساندرا" ولدت يوم 23/7 السابق في أمريكا وبالتحديد في ولاية نيوجيرسي في مستشفى monmouth medical center وعند يوم خروج زوجتي وأبنتي من المستشفى وجدنا إدارة المستشفى تمنعنا من الخروج نهائيا إلا بعد إحضار كرسي أطفال
ولن اصف لكي مدى الهلع والفزع الذي إنتاب الممرضات والإداريين واللهفة التي كانوا يتحدثون بها إلينا وهم يسألونا (How you can do that ? impossible .... you will kell your BABY) وكلمات كثيره جدا وعبارات ساخطة علينا وكأننا كنا ذاهبين لندفن أبنتنا بالحياة (فكروني بالكفار لما كانوا بيوئدوا البنات) ههههههههههههه
المهم أنا كده كده كنت شاري الكرسي والعجلة قبل الولادة بكام يوم بس ما أحضرتهمش معايا إلى المستشفى لاني كنت مستعجل جدا
وطبعا مافيش هناك حاجه أسمها معلش
أو نبي عدوها المرة دي
أو الواحد يطبق أيده في خمسة دولار كده وللا حاجه ويغمز بيهم بتاع الأمن عشان يفرج عن الأم والبنت
المهم أضطريت اني ارجع الاوتيل تاني أجيب منه الكرسي عشان الإدارة تفرج عنا وتخرجنا سالمين
واهم حاجه أني جبت معايا فاتورة الشراء إللي مكتوب فيها تاريخ شراء الكرسي والعجلة قبل الولادة بكام يوم عشان يتأكدوا إننا شعوب محترمه وبرضه بنخاف على أولدنا ومهتمين بأمنهم وسلامتهم
الحمد لله
على فكرة بما إن القسم ده لسه حصري يبقى أسمحي لي أحط صورة "ساندرا" في الموضوع بتاعك
|