[خالدخليفة]

المشاركة الأصلية كتبت بواسطة saif el din بس كما قولت قديما لية انا طيب مفى اكثر من 25 صاحب معرض ايجار سيارت على المنتدى لية محدش بيجاوب على الناس اصلا غيرى لية محدش بيرضى يفسر لى حد اسئلتة زى مبيعملوا اعلانات وبيكتبوا موضيع لية عيزنى انا اوضح واقول وافسر لمجرد ان ناس معندهاش اصلا استفسار ولا محددة هى عيزة تعمل اية مجرد انها فكرة ومش محددة هى عيزة تستفيد ازاى لية عيزنى اقول انا فيدت من فى الردود ولية عيزنى اقول اسرار ناس لم تكن عندها الجراء فى انها تنشر استفسارها على الملاء عيزنى انا اناقشة على الملا لية الناس مش عيزة تقرا فى القسم كويس قبل متقول رايها لية مساتش اى شخص تانى من اصحاب المعرض لية انا الناس ال شككت فى فى اى شى يريت توجهنى على الملاء بصورة واضحة اكثر شخص قال انى قولت لة سعر العربية ومش عجبة طيب يريت يفتكر كلامى كويس ويفكرنى هو عمل اية بعد 24 شهر وفى النهاية يحسب كامل ما حصل علية وما صرفة ويشوف الناتج ال طلع هو ال قولت علية ولا لا يريت نكون اسئلتنا وضحة والناس ال عيزة تعرف معلومة وخلاص لازم تعرف شى مهم جدا مفيش انسان لية نفس ظروف الاخر علشان يطبق على نفسة نفس الحالة موجود فى القسم موضوع اسمة استفسارات وعبارة عن سوال وجواب ارجوا قرائتة جيدا

بقى بذمتك ياشيخ مش عارف اشمعنى انت اللى الناس بتسألك؟؟؟؟
أولا
لانك بكل بساطة الوحيد اللى ليه موضوع مثبت عن ايجار السيارات فى القسم ده اسمه (استفسارات عن ايجار السيارات / حصرى وخاص لمصر موتورز } كلام كبير اوى )تفتكر بعد كده اللى بيفكر فى الموضع ده هيروح لمين ؟؟وهو كل ميفتح صفحة يلاقى موضوع سيادتك منور
والغريب انى لما قرأت هذا الموضوع لقيتك مركز فيه عن مصاريف ثابتة زى مكتب وشغلانة كده
وبطاقة ضريبية وسجل تجارى
وده محتاج مبلغ مبدئى للصرف عليه قبل شراء السيارة
او هيكون وسيط بين صاحب السيارة والعميل بدون م يشترى سيارات من اصله
و..ده كلام يعـقـد ...لانه محتاج مبلغ فى الاول على الاقل 10 الاف جنيه غير تمن السيارة ان كان هيشترى
ياأما انت مفهمتش مغزى مابداخل الناس
فى ناس مشترية وعايزة الايجار يغطى القسط وشكرا
وفى ناس وظايفها لاتسمح بسجل وبطاقة ضريبية
زائد مخاطر هذا الكلام من مكتب مؤجر الى اعلانات فى الجرايد اومال الناس هتعرفه ازاى
وده محتاج رأس مال حضرتك لم توضحه على الاقل يكون كام
كان مفروض فى الموضوع المثبت شرحت كل خبايا وتفاصيل الموضوع

ومحصلش طبعا
ثانيا
لان سيادتك عامل موضوع تانى اللى هو احنا فيه دلوقت واسمه
عايز تدخل مشروع ايجار السيارات
وطبعا سعادتك عامل مقدمة جميلة جدا تحسس اى حد ناوى او بيفكر او مش بيفكر تخليه انه يدخل هنا ويسأل ويستفسر
ثالثا
انت قلت ان فى 25 صاحب معرض ايجار سيارات ليه محدش بيجاوب غيرك على الناس
لان سيادتك اللى عملت موضوع وطلبت استفسارات الناس وانت هترد عليها
لكن لما دورت على اصحاب المعارض دول وبحثت لقيتهم كلهم بيطلبو عربية ماركة كذا بأيجار كذا الى آخره
يعنى لا..قالو للناس هنشرح لكم المشروع ولا قالو ...اللى عايز يدخل المشروع يسأل واحنا نرد عليه
انما اللى قال كده ...سيادتك مشكورا طبعا
وطالما عرضت خدماتك يبقى لازم يكون صدرك اوسع من كده
رابعا
انت قايل انك هتشرح المشروع للناس
وان ظروف الناس بتختلف من واحد للتانى الكلام ده غير دقيق
لان الاساسيات غير الفرعيات
يعنى الاساسيات كان مفروض حضرتك شرحتها
وأهم الأساسيات دى
زى ماركة العربية المطلوبة اكثر واللى تجيب دخل اكبر

زى موديل العربية اللى ممكن تتأجر آخره كام سنة (مش معقول واحد معاه 131 هيأجرها ؟؟؟ مثلا أو واحد معاه لانوس موديل 2000 تنفع واللا لا) فانت لازم تشرح وتوضح

زى الطريقة الأمثل للتعامل مع مكاتب الايجار ايه ؟؟؟ بحيث تحفظ حقوق المؤجر والمستأجر والمكتب
بغض النظر عن كونك صاحب مكتب لان التصدى لاستفسارات الناس يتطلب الامانة لانك هتحاسب عليها امام الله يوم القيامة
ولان غالبية اللى بيشترو...... عبارة عن واحد معاه قرشين راح جايب عربية بالتقسيط وعايزها تجيب قسطها وخلاص لكن لا...عنده فكرة ولا...خبرة ولا..اى حاجة ..... غير انه جاب العربية وعايزها تصرف على نفسها لحد م تخلص قسطها..وخلاص

زى القيمة اللى ممكن تتأجر بيها العربية
يعنى سعادتك كنت استعرضت الفئة والماركة وكل فئة وماركة ليها متوسط ايجار يتراوح مابين كذا وكذا شهريا
يعنى مثلا النيسان الصنى غير مرغوبة فى موضوع الايجار يبقى تحذر من حاجة زى كده وان كنت قلتها فى احد ردود الموضوع هناك بس طبعا دى عايزة واحد متابع الردود كلها غير لما تبقى مكتوبة من الأول

زى حكاية العداد المقفول والعدا د المفتوح /وانا واثق تماما ان فى ناس كتير متعرفش الفرق بينهم

زى ايهما افضل ايجار السيارة بالسائق والا بدون السائق (وان كنت انت رديت على احد اخواننا فى النقطة دى رد من وجهة نظرى غير كافى ولاشافى بس دى طبعا عايزةبرضه واحد متابع كل الردود )

زى السيارة بالسائق مع تحمل الصيانة او بدون او ببنزينها او بدون أيهما افضل وعيوب ومزايا كل منهم

زى مدة ايجار السيارة يعنى الأيجار المؤقت لمدة شهر او 2 غير المفتوح كذا سنة
دى متوسط ايجارها كام ودى متوسط ايجارها كام (حسب الماركة طبعا)
غير الايجار بالمشوار نظامه ايه وظروفه ايه

وهكذا

اخيرا
مساعداتك للاعضاء
هيا دى النقطة الوحيدة اللى ممكن ترد فيها على الخاص لان ظروف كل واحد مختلفة عن التانى
يعنى واحد معاه لانسر 1300 غير لانسر بوما غير لانسر كريستالة غير واحد معاه سيراتو غير واحد معاه اوكتافيا غير واحد م اشتراش خالص
لكن هو فين الموضوع
انت مكتبتش موضوع
والموضوع المثبت ناقص كتييييير
ولو جاوبت على اسئلتى هنا
اعتقد هتعمل موضوع تانى هيثبتوه وهيلغو تثبيت القديم لانه هيبقى اشمل واعم واوسع

وطبعا بـقـت الناس تسألك كل واحد على حدة ومفروض كلنا مستنيين ردك هتقول له ايه
نفاجأ بيك كاتب
تم الرد على الخاص
للاستفسار السريع تليفون معرفش كام
طب احنا فهمنا ايه ؟؟؟
وهل مطلوب ان كل واحد عايز يسأل انه يطلبك على المحمول ؟؟؟؟
ومعلش استحملنى فى الكلمتين اللى جايين دول ...
اللى انت بتعمله لايزيد عن كونه نوع من الدعاية لسعادتك متغلف بغلاف اسمه المساعدة فى مشروع الايجار
ماشى .... وايه المشكلة م تعمل دعاية ...مش عيب خالص
بس يبقى واضح للجميع
مرة تانية
اشكرك لتحملك ليا والخلاف فى الرأى لايفسد للو د قضية