عرض مشاركة واحدة
  #2  
قديم 13-07-2011, 11:41 PM
BoPPoS BoPPoS غير متواجد حالياً
 
تاريخ التسجيل: May 2010
المشاركات: 96
BoPPoS has a spectacular aura aboutBoPPoS has a spectacular aura about
افتراضي رد: خفاي مكاتب الايجار واسرارها من داخل المكاتب

بجد انت عبقري يا استاذ محمود . ...

انا ان شاء الله ناوي اأجر عربيه يوم السبت الجاي ودي هتكون اول عربيه اأجرها في حياتي وكل اللي اعرفهم بيقولو لا المكاتب هينصبو عليك ويلبسوك في الحيطه وحوارات وكدا

والمشكله اني ناوي ان شاء الله اجيب عربيتين بي ام 316 موديل 93 هيكلفوني 120 الف وافتح محل ايجار دي مشروع ابتدائي ... وكل ما اسأل الناس الاقي كلام عجيب

مثلا :: 1- لا لا لا سيبك من الحوارات دي ... دي ليها ناسها وانت هتنداس ممكن تفتح محل بلي ستيشن هيكلفك 30 الف وزي الفل

2- انت مجنون يابني ... هيجيلك واحد يأجر العربيه ويسرقها ويقطعها او يبيعها ... فكك

3- ( من بق سمكري ) بص يا باشمهندس بتوع محلات الايجار دول حسبي الله ونعم الوكيل فيهم .. لو الرفرف اتخبط منك يروح يرش الجنب كله ويزبط العربيه على حسابك .. وانت يا عيني لازم تدفع بدل ما تقعد في السجن او تقوم محامي ووجع دماغ

4- ( كلام تاجر ) مشروع جميل جدا ومكاسبه حلوه ومش محتاج مجهود ..
انا : طيب ايه اساسياته او تنصحني بايه ؟؟
التاجر : مالوش اساسيات .. عربيتين حلوين واجرهم والكل يمضي ولو حصل حاجه على حساب اللي مأجر وبس يا معلم

كلام في كلام في كلام

انا اسف جدا على الرغي الكتير دا ... بس دا من زهقي وقرفي من كتر ما لفيت وسألت وشفت

تقبلو تحياتي ... ياريت حد يفيدنا في الموضوع دا بجد وايه اساسياته لو هأجر عربيه او افتح محل ايجار ...
رد مع اقتباس