[khaled al sharif]

المشاركة الأصلية كتبت بواسطة mesho70 ان شاء الله الجهاز - يبقى شغال - ومتسمعش صوتة نهائى - وانا عندى استفسار 1 - بما ان عربيتك نيوسيراتو تبقى بريموت ام لا ؟ 2 - هل تم تقشير فى الضفيرة ام لا ؟ وان كان فهل كتير ؟ 3 - الجهاز الجديد لة ريموت فما دور ريموت السيارة الاصلى ؟ 4 - ما هى امكانيات الجهاز كاملة ؟ 5 - هل بة حساس تعلى او تخفض بة درجة حساسية الانذار - واعذرنى لان عربيتى لانسر 2010 وناوى اركبة لكن متخوف مما ذكرت خاصة والعربية خليجى بضمان الرواس ومشكور

ميشو باشا ... بص حضرتك أول حاجه أنا عربيتي فيها ريموت ومفتاحها سمارت كي ... تاني حاجه أنا كنت متردد وخايف زي حضرتك كده تماما لدرجة إني عملت موضوع في المنتدي بطلب فيه المشورة أركب الإنذار ولا لأ ..... وقلت طالما العربية فيها نظام شل الموتور ووو خليها كده بدون إنذار ... بس لما كترت عملية سرقة العربيات مع الإنفلات الأمني قلت لا لازم أستنضف صنايعي ومكان وأركب فيه .... والحمد لله سبير كار ناس محترمه جدا يعني لما سألتهم إن أختي عندها سكودا وعايزه تركب الإنذار فيها قالولي مركبناهوش قبل كده في الإسكودا يعني مش ناس عايزه تبيع وخلاص كمان بيخافوا علي سمعتهم وعلي سيارتك
بالنسبة لخواص الجهاز كتيره جدا بس هاأقولك علي إتنين منهم مش شاغلين عندي عشان مش عايز لعب كتير في الضفيرة
- الجهاز فيه خاصية حساسية التتبع يعني لو فيه حد عمال يلف حوالين العربية بيستطلعها وبينه وبينها سنتيمرات ... بيديك إنذار متقطع
وخاصة تانية إنه بيفصل كهربة الموتور لو الحرامي قدر يخش جوه العربية ....أنا بفضل الخواص دي تتعمل بواسطة الوكيل وإللي عرفته إن حتي الوكيل مبيشغلش كل الخواص
وفيه خواص كتير راجع اللينك إللي أنا حاطه في الرد علي المداخله التانية في نفس الموضوع وهو فيه كل حاجه عن الجهاز
- مقشرش كتير ولا حاجه في الدفيرة وعزل كلي التقشيرات باللحام الشكورتيون
- الجهاز فيه حساس بتعلي وتوطي منه الصوت بس هو عموما صوته مش عالي قوي لأنه تو وي من إنذار صوتي فقط
- بالنسبة للريموت بتاع الجهاز هو وفرلي ريموت العربية يعني بفتح وأقفل منه .... زي ريموت العربية بس متقدرش تستغني عن ريموت العربية لوسيارتك مفتاحها سمارت كي ( أو المفتاح المشفر ) يعني باشيل الريموتين عادي ... وده ها يوفرلك بطارية ريموت العربية ويوفر إهلاكه وفي جميع الأحوال أجهزه الإنذار النظيفة بتحتاج تشيل الريموت بتاعها بجانب ريموت السيارة

وأي إستفسار أخر أنا تحت أمرك ... توكل علي الله وركب الإنذار متخفش