[sayed2077]

السلام عليكم ورحمة الله وبركاته
الموضوع كالتى لما اشتريت الانذار بتاعى علشان اركبه فى
عربيتى ال 128 لفت انتباهى فى الكاتلوج بتاعه ان انت ممكن لو العربيه مثلا نزلت تجيب حاجه سايب العربيه وهوبا واحد ركب ومشى بيها وان نفترض ان انت معاك الريموت بتاعها فا انت تقدر تلحق نفسك وتخلى العربيه تبطل من الريموت وتقفل عليه السنتر وتزمر جامد
المهم رحت سألت الكهربائى
قالى ليه هو انت لما بتكون قفلت العربيه بالريموت وجيت تشغل العربيه بتدور
قلتله اما نجرب رحت راكب العربيه وقفلت الانذار ورحت مشغل العربيه السرينه بتاعت الانظار اشتغلت بس الماتور اشتغل عادى جدا
قالى ايه ده امال فايدت الانذار ايه يزمر و يفتحلك الابواب بس
:w6w2 005041122053268:w6w200504 1122053268
رحت قلتله امال اعمل ايه
قالى فى حاجه زى كاتاوت او حاجه كده والله مش فاكر قالى اسمها ايه كده بتركب على الانذار بتخلى العربيه اول ما تقفل الانذار يروح الكتاوت ديه تفصل كهربة الموبينه خالص ومتخليش العربيه تشتغل غير لما تفتح العربيه بالريموت تانى غير كده متشتغلش خالص
رحت انا طبعا
: 01F6EB~150:

قلتله الجهاز او الكتاوت ديه بكام قالى هيا بتكون فى حدود 40 جنية
قلتله خلاص اوك او ما احهز المبلغ ان شاء الله هاجى علشان تعملها
وفعلا انا شايف انها فكره جميلة ورخيصه لو انت عاندك الانذار وكل حاجه وافضل من مفتاح الفصل اللى لو الحرامى عرف مكانه يبقى الله يرحم العربيه او السرينه اللى ممكن يقطع سلكها ويدور العربيه عادى ويمشى
فديه فكره للى ميعرفهاش بس اللى يعرفها الله يخليه ميدخلش يقول قديمه وكده

وانا ان شاء الله هبقى ادخل بعد ما اعمل الموضوع ده ابقى اقول على التكلفه كامله و رأى فيها ايه

وانا بس عاوز منكم دعوة خالصه لوجه الله تعالى
ان ربنا يغفر لى و لوالداى وللمؤمنين والمؤمنات و المسلمين والمسلمات
الاحياء منهم والاموات
وان يوفقنى فى دراستى ويهدينى الى الطريق الصحيح
و يدخلنى جنته برحمته
و
السلام عليكم ورحمة الله وبركاته