المشاركة الأصلية كتبت بواسطة m.genedy

فكرة رائعة تنشيط كرسى الاعتراف
واهلا وسهلا بالاستاذ النشيط المميز كورسير

استاذي استاذ محمد جنيدي والله انا حصلي الشرف وسعيد جدا ان حضرتك شاركت في الموضوع ده

صاحب اعلى نسبة مشاركة..

ده من بعض ما عندكم يا استاذنا

الاسئلة بقى ....
-هل انت مع ام ضد تولي المرأة منصب رئيس الجمهورية؟

انا ضد طبعا تولي المرأة لرئاسة دولة لان معروف عن السيدات انهم عاطفيين زيادة عن اللازوم وقلبهم دايماً بيغلب علي عقلهم في اتخاذ القرارات

-اذا كنت وزيرا للتعليم ماهو اول قرارتك؟

اول قرار ليا هفور المناهج اللي بوظت عقل الملايين دول كلهم منهج متغيرش من 50 سنة

وهطبق الانجليزي كمادة اساسية في المدارس الحكومية من كي جي 1

وهخصص اكبر ميزانية للتعليم وهحط جواسيس في المدارس من الطلبه نفسهم والمدرس اللي مش هيشرح بضمير في الفصل هيشوف ايام سوده ان شاء الله وهلغي فكرة الدروس الخصوصية ديه نهائي

-ماذاتعنى لك هذة الكلمات....
-الصداقة
والله الصداقة ديه بتعنيلي حياتي دلوقتي لاني من النوع الاجتماعي جدا وبحب اكون اكبر عدد من الاصدقاء علشان محسش بالملل من الوحده

-الحب
والله انا ماشي بالمثل اللي بيقول اللي ربنا بيحبه بيحبب فيه خلقه وانا طالما الحمد لله براعي ربنا في دنيتي يبقي انا مقلقش من قصة الحب ديه

-البحر
البحرده حياتي لاني معرفش استغني عنه سنه وانا زي ما العيله عندي بتقول عليا اني بر مائي هههههه

-الغرور
اعوز بالله من دي صفه انا الحمد لله ولا اعرف للغرور ده طريق

-النجاح
مش راضي اقولك ان معرفش للنجاح ده طريق زي الغرور بالظبط هههههههههه

لا بجد انا من النوع ان تطلعاتي ملهاش حدود ومن النوع اللي بيحب يوصل للي هو عايزه

-مصر موتورز
جيبتلي سيرة الغالية منتداي العزيز انا اليوم اللي مدخلش فيه علي المنتدي بيبقي يوم ما يعلم بيه الا ربنا

-واذا اردت ان تقول كلمة لهؤلاء......
-الاستاذ/حازم خضر
واحشني والله يا غالي ويا رب اشوفك قريب في عيد ميلاد المنتدي وترجع تاني تمتعنا بحضورك الجميل ومواضيعك الاجمل وعمرة مقبولة بأذن الله

-الاستاذ/احمد فاروق
عايز اقوله اني محبتش الصيني الا علشان هو يمتلك سيارة منها ههههههههه

الاستاذ احمد فاروق تعرفت عليه اكتر في مقابلة الاستاذ سيف وبجد من اجمل الشخصيات اللي عرفتها واتمنيت اني اتكلم معاها كل يوم

-الاستاذ/سيف الدين
والله انا عندي 2 سيف الدين

استاذ سيف الدين ملك الجاك بي كلاس وده انا بتشرف اني اقوله ان اتولدت مليش اخوات صبيان بس اكتشفت بعد معرفتك انك اخ كبير ليا

استاذ سيف الدين ملك القسم التجاري ده حبيبي هقوله انك من اطيب الشخصيات اللي عرفتها واجملها ربنا يديم المحبة ما بينا ويعينك علي شغلك

-الاستاذ/احمد بدر
انتا يا استاذ محمد مش لاقي غير اللي فاضحني ده وتقولي اقوله ايه ههههههههه

هقوله ارحمني ابوس ايدك نفسي اخد يوم حد اجازة انتا معندكش اخوات بلاستيك
انا حاسس اني شغال 7 ايام في الاسبوع
شكلي لبخت في الكلام
حبيبي ابو حميد والله واحشني تصدق انا كنت لسه بقول لاستاذ محمد جنيدي اني مستنيك تجيلي الحد الجي من دلوقتي هههههههههه

لا بجد اللي يعرف احمد بدر ده عن قريب هيلاقيه اطيب قلب واجمل شخصية فكاهية ممكن تتخيلها ده الانتيم بتاعي يا جماعه

-الاستاذ/حازم شاهين
الاستاذ حازم انا فعلا بعتز بصداقته وبعتبره اخويا الكبير في كل حاجه مع اني ليه عتاب عليه جامد وهو عارف ليه بس مش هقدر اقوله غير ان صورتك لم تهتز في قلبي

-الاستاذ/فادى
كنت بعزه جدا بس مش عارف ايه اللي جراله بعد الثورة ودفاعه المستميت عن حسني مبارك انا عارف ان كل واحد ليه حرية الرأي ولكن ميكونش علي حساب مشاعر ناس تانية وبقوله بلاش تبص لنفسك وبص للناس حواليك كانت عايشه ازاي وكان حقها بيضيع قدام عنيها غصب عنها

-الاستاذ/ايمن الجمال
هقوله وحشاني مشاركاتك ومواضيعك الجميلة وياريت متغبش عننا كتير

-الاستاذ د/ تامر محمد
اديب المنتدي دكتور تامر من اجمل المواضيع اللي بحب اقراها في المنتدي هيه مواضيعه بحس ان كلامه بيديني امل كبير في الحياه نفسي اشوفه واتعرف عليه في اي مقابله لينا في المنتدي وياريت اشوف حضرتك في عيد ميلاد المنتدي

-الاستاذ/ماينز
قصدك النمر الاسود اللي بيكمل الفيلم في المانيا من بعد احمد ذكي ههههههههه
شخصية جميلة جدا مش عارف ليه مشاركاته قلة الفترة اللي فاتت ديه بقوله اني نفسي اعملك مقابلة ليك وللاستاذ محمد جنيدي لما تيجو مصر بالسلامه

-الاستاذ /احمد انور
ده لوحده حكاية انا قفشته في معرض لاكازا اللي فات ده يا عيني كان بينام علي نفسه

الاستاذ/نبيل عبد الرحمن
والدي العزيز الاستاذ نبيل انا فعلا فخور اني اعرف شخصية جميلة جدا زي الاستاذ نبيل وكنت اتمني انه يكون من القاهره مش من اسكندرية علشان كنت هزقه مني ههههههههه كل سنة وانتا طيب يا استاذ نبيل وعمرة مقبولة بأذن الله وعبال ما نباركلك علي الحج ان شاء الله

-الاستاذ/ وليد الوحش
ابن منطقتي الغالي منطقة عين شمس انا نفسي اتعرف عليه بس مش عارف اعطر فيه مش عارف ليه بس هقبض عليه ان شاء الله في عيد ميلاد المنتدي

... ماذا تقول لهم؟