[ramy safwt]

المطبات دية لعنة و حطت علينا كلنا و الحفر و التكسير و النقر فى الشوارع

الاختراع هو فن استخدام العلوم فمحدش يقول على المطبات اختراع !

المطبات فرتكتلى شكمان قبل كده و ايام زمان بلاعة مندسة دمرتلى تيش النص بتاع ال 32 و الحادثة الاخيرة اللى عملتها بالجول مايلى برضو كنت بفادى نقرة فى الطريق بيضة المقص فكت و اتبهدلت الحمد لله

الحاجه الوحيدة اللى استفدتها من المطبات كان في حد قاطرنى و جارى ورايا على الطريق معرفش ليه !! -ملحوظة- عندنا فى العبور عربية سودة بمجموعة مسلحين مزاج عندها تثبت الناس و تاخد عربياتهم و طبعا بيفجروها فى وزير الداخلية بعد كده !! - انا قلقت تكون تبعها طلعت فى الاخر عيل بيشد بعربيته و بيجر شكلى المهم دخلته فى طريق داخلى اتجاهين و فاصل بينهم رصيف الحارة اللى كنت بجرى فيها مطب عارف كويس من فخر الصناعة المصرية تقولش مسلة على الارض المطب بعد يوترن ب 10 متر شديت جامد و حسسته انى فى نفس الحارة و رحت قارص بالفرامل و داخل الحودة للحارة التانية و مشيت مخالف و هو كمل لبس المطب العربية اترفعت من قدام كلها نزلت رزعت رعزعة نفضت التراب اللى فى الكبوت كله تقولش كنا فى الرملة عربيته بطلت مقامتش من كتر الرزعة الناس بصت فيه ايه و الواد كان هيشد فى شعرة واضح انها عربية ابوه او اخوه و واخدها يلعب بيها