لا يا باشا انا مش مصور فى السر بس كان المكان ضيق وزحمة وكان فى ناس عاوزة تشوف السيارة غيرى المهم ان السيارة ما فيش اختلاف عليها وكمان انا مقدرتش اصورها بالتفصيل الدقيق بس اخذت اهما حاجة فيها ودلوقتى انا هشرح للجميع المواصفات والتجهيزات الاساسية للسيارة
نبدأ بسم الله
اولا:ابعاد السيارة والارتفاع:
الطول:
4.303 مم
العرض:
2.037 مم
الارتفاع:
1.491 مم
ثانيا: ناقل الحركة والمحرك وسعة تانك البنزين:
استبترونك ومعناها انك تقدر تقود على الجير الاوتوماتك ذو الاربع سرعات او تقدر تقود على الجير العادى من خلال تحريك الفتيس الى نظام او حرف M اى قيادة مانيوال
سعة التنك والمحرك:
60 لتر وتاخذ بنزين 92 والمحرك 16 صباب يولد قوة 115 حصان
ثالثا:العجلات والاطارات:
جنوط رياضية مقاس 17 بوصة مع اطارات مقاس 205/55
رابعا: نظام الامان والسلامة:
نظام الفرامل المضادة للانغلاق مثل ABS مع BAS - EBD بالنسبة لمعنى BAS هى عبارة عن نظام مساعد للفرامل لتعطى السيارة الاتزان اللالكترونى عند الدخول بسرعة فى محنى على سرعة كبيرة علشان السيارة مش تلف او بمعنى انها تنحرف منك يمين اوى او شمال اوى
بالاضافة انها تحتوى على عدد 2 وسائد هوائية للسائق والراكب الامامى.
دعامات جانبية فى الابواب للحماية من خطر الاصطدامات الجانبية.
نظام ISOFIX لتثبيت مقاعد الاطفال.
نظام ايمبيليزر للحماية من السرقة والسطو بجانب ان السيارة تعمل بكارت وليس بمفتاح عادى.
احزمة امان مزودة بخاصية الشد المسبق ومساند راس يمكن تعديلها فى اربع اتجاهات وارتفاعها ايضا.
خامسا:الكماليات:
تكييف هوائى مزودج اتوماتك ثنائى الحرارة يمكن ضبطه كل وحدا على حدة.
مخارج خلفية فى مسند اليد الامامى للتكييف كما واضح من الفيديو.
نظام غلق مركزى من الكارت وايضا اثناء القيادة من خلال الزر الموجود فى الطابلوة.
فتح التانك والشنطة من الكارت طالما السيارة تعمل والكارت موجود فى مكانه داخل السيارة ويتم غلقهم عند خروج الكارت وقفل السيارة وايضا يمكن التحكم فى الاضاءة من خلال الكارت.
زجاج امامى وخلفى كهربائى للابواب.
عجلة قيادة الية المؤازرة يعنى حساسة للسرعة مع وضع الطريق مما يجعل السيارة تبدو رياضية بعض الشئ وعجلة القيادة ايضا يمكن ارتفاعها وانخفاضها حسب طول السائق وايضا تعمل بشكل تليسكوبى يعنى تقدر تقربها لصدرك او تبعدها حسب وضع الكرسى وحسب طول السائق.
التحكم فى ارتفاع كرسى السائق بس بيعمل مانيوال وليس كهرباء.
مصابيح اضاءة هاليوجين وليس زينون ويمكن التحكم بها بالاضافة لخاصية اتبعنى (FLLOW ME(
بالاضافة انه يمكن عمل المصابيح اتوماتك بمجرد شعور السيارة خفوق الضوء من حولها بالاضافة لنظام الاضاءة النهارية LED تعمل بمجرد تشغيل الماتور ومصابيح ضباب امامية.
تشغيل نظام الاضاءة ايضا عن بعد من خلال رينو كارد.
مساحات امامية حاسسة للامطار يمكن ضبطها للعمل تلقائى مجرد استشعارها ادنى درجات المطر.
المرايا الجانبية يمكن ضبطها كهربائى فقط واعتقد ان السيارة لا تحتوى على نظام طى المرايا كهربائى.
نظام مثبت ومحدد سرعة فى الكسنول الجانبى للسائق.
كراسى خلفية يمكن طيها بالاضافة ان يوجد بها حامل اكواب خلفى فى الكراسى.
حساسات ركن خلفية بلون الاكصدام .
مسند يد امامى به صندوق تخزين .
كمبيوتر رحلات بالاضافة الى مشغل اسطوانات CD MP3- USB - AUX وعدد 6 سماعات موزعين فى الابواب و2 TREBLE .
مقبس 12 فولت خلف مسند اليد الامامى.
خاصية التحكم خلف عجلة القيادة فى الرد او الرفض للمكالمات بخاصية البلوتوث بعد توصليها على الكاسيت للسيارة وايضا غلق وتعلية وخفض الصوت للسماعات .
عجلة القيادة متعددة الوظائف من خلالها يمكن التحكم فى تثبيت السرعة وتحديد السرعة بدلا من بعد تحديدها اى تشغليها من الازار الجانبية فى الكنسول الامامى.
اما عن العيوب:
1- ناقصة فتحة سقف.
2- طى المرايا الجانبية كهربائى.
3- الدهان ضعيف نوعا ما بالنسبة للاكصدامات .
4- ناقصة وحدة رفع الزجاج عند غلق السيارة اتوماتك.
5- الاستبن اسفل السيارة وليس جنط رياضى هو جنط اسود فقط.
وفى النهاية اعتقد ان كل ده لا يعد عيوب اصلا لنظر لامكانيات السيارة الهائلة وسعرها المناسب
اخيرا سعرها الان لهذا الموديل هو 166000 جنيه مصرى .
ارجو ان يكون الفيديو واضح وشرح تفاصليى لامكانيات ومزايا السيارة
:pod_of_gold :