[ahmedshouk]

بسم الله الرحمن الرحيم

ارجو من مالكى السيراتو الكرام التكرم وكتابة اسعار قطع الغيار الى اشتروها بدون مبالغه لتعم الفائده على الجميع وحمايت الباقيين من استغلال التجار ....

1- سير مجموعه = 120 جنيه الكورى ( اصلى انتاج شركة كيا ) و جنيه 70 الكورى (مش اصلى وهيشتغل معاك 10000 كيلو بالعافيه)

2-عمة هواء الى بيركب فيها فلتر الهواء =300 بالفلتر (اصليه انتاج شركة كيا كورى ) وصينى = 170 بالفلتر بس الصينى مفيهاش مكان تسبيت الهيد بتاع العربيه الى هوه الهرد او المخ الى بيتخزن عاليه الاعطال
( وسيبك من الاستيراد علشان بتوع الاستيراد هيشتغلوك وهيقولولك ارقام غريبه وهيقلولك المستعمل الاستيراد احسن وانا مسكت الاتنين فى اكتر من محل ولقيت مافيش اى فرق غير ان الجديده جديده والمستعمله هتلاقى الفلتر مستعمل يعنى هتشتريها مستعمله وغاليه وهتشترلها فلتر جديد وهيكلفك 40 زياده على السعر الى هوه اصلا غالى )

3- فلتر بنزين ( وهوه فلتر داخلى بمعنى داخل التانك ومكانه تحت الكنبه الى ورا)= 125 جنيه (اصلى انتاج شركة كيا بيشتغل لحد 40000 يمكن اكتر بس حسب كلام الوكيل والشركه وجدول الصيانه الى بيتغير عند 40

4-لمبة فانوس كبيره واطى = 25 المانى و الصينى= 10 وممكن تكون اسعار المض دى عالى علشان انا اشترتها من الغردقه فممكت تكون ارخص 5 جنيه او 10 على حسب

5- فلتر زيت = جنيه 25 (اصلى انتاج الشركه) بتغير مره ومره بمعنى تغير الزيت مع كل مرتين مره فلتر زيت

6-فلتر تكييف= 40 جنيه (اصلى انتاج الشركه)

7- طقم بوجيهات =90 جنيه (اصلى انتاج الشركه)

8- جوز مساعدين امامى= عند حلمى الى فى التوفيقيه بيبيعه = 750 والافضل تشتريه استيراد وهوه هوه بتاع النيو النترا واشتريه من الوكاله مش من الحرفيين انا جبت مساعد ب 100 جنيه شغال زى الفل بقاله 10000 كيلوا احسن من الاصلى اهم حاجه تختبره كويس وطريقة الاختبار تحطه بين كفين رجليك وتضغط عاليه لحد الاخر لتحت وتسيبه وتشوف لو تقيل فى النزول والطلوع يعنى بيطلع ببطىء ومبينفسش هواء لان مساعدين السيراتوا ضغط هوا مش زيت يبقى تمام لو سامع صوت صفير وبيطلع وبيزل بسرعه يبقى وحش استعمل لما تعب

9- بطاريه 5,5 امبير جافه بتدى لحد 7 امبير دايو كورى اصلى = 400 مع العلم ان الاصليه 4,5 امبير يعنى صغيره فالاحسن والافضل انك تجيب وحده كبيره زى الى انا اشترتها عتشتغل معاك اكتر من سنتين

10- فردة الكوتش يبانى يكهاما R15 = 500جنيه

ارجوا التكرم من باقى المالكين وكتابة اسعار القطع الى بالفعل اشتروها او سألوا عليها وشكرا