بسم الله الرحمن الرحيم
طبعا العنوان غريب و لكن مش اغرب من الموقف النهرده
و اليوم كان بعنوان خيانة و هتعرفوا ايه الخيانة دى!!
و هكيلككم اليوم كله ليه مش عارف بس هحكيه.
فى يوم زى اى يوم
الساعه 10 صبحا نزلت فرش فاطر من فول من عند رضا و ضربت كباية الشاى على قهوة محمد على اللى فى السيوف
11.30 بالدقيقة كنت فى المصنع العربية بتتحمل و اانا بلف حوليها كالعادة كأنى بشيك عليها يعنى
12.00 كنت بجيب اولا و متوكل على الله فى اتجاه برج العرب
"و من عجاعب الاسكندرية لما تكون رايح مشاور 80 كيلو تقطع اول 5 او 6 كيلو منهم فى ساعة و ال75 كيلو فى ساعة اخرى و التفسير" الساعه الأولى علشان اطلع من الاسكندرية و امسك الدائرى"
و ماشى طبعا بسرعتى المعتادة من 90 :120كم/س (ده لانى حافظ الطريق لانه الخط بتاعى و موضوع انى بحب الجرى)
و فى تلت الطريق بعد كوبرى مرغم بشوية ماشى فى هدوء و الطريق مش زحمة و الجو مشمس و لطيف ......................... ........ مولعين سجاير كلوبترا انا و مندوب المصنع و بندردش فى
السياسة و الاقتصاد
و فيه ادامى فتحة فى الطريقة للدوران و انا ماشى بسرعتى هوبها زميل حمار راكب نصف نقل و بيعدى ادامى و المسافه بينه و بينى تقريبا 300 متر مثلا
و الصاعقة تن تن تااااااااااا............. ................
بدوس فرامل علشان اهدى ......................... ...
......................
مفيش
(وحد يقول هو ايه اللى مفيش يا كابتن) اقوله الفرامل مفيش نهاائى
سعتها طبعا اللى حصل بقى ايه
الموسيقى دى اشتغلت فى دماغى
و شكل المندوب :
و كان ماسك فيا حتت مسكه من كتفى
طبعا عمونا ده بمنتها الغباء بيعدى من امامى بالعرض انا لفيت الدركسيون شمال شوية و انا بخطف بصه فى المرايا و ستر ربنا الحمار ده تقريبا اخد باله منى فا زود سرعته شوية و ده فرق كتير و كان الفرق بينه و بينى تقريبا ميكملش شبر
سعتها طبعا الاعصاب مفيش و تقريبا انا قطعت الخلف و المندوب كان عرقان و اانا صدعت ليه مش عارف و كنا محمرينين اوى كننا مضربين بالاقلام
الحمدلله ربنا ستر
طبعا وقفت على جنب علشان اهدى و اتمالك اعصابى و ابص على العربية اعرف تفسير لللى حصل ببصاطة عجلة رشحيت زيت و و وقعت زيت الفرامل كله و حصل اللى حصل
و لما وصلت المصنع انزل الحملة قعدت افكر فى اللى حصل
حسيت انى الحادثة مكنتش السبب فيها و الببت كان طبعا الحيوان اللى عدى من ادامى و ابتلاء ربنا ليا بموضوع الفرامل
و الانقذنى انى تقل الحمولة خلى العربية ثابتى على الأرض و ذكاء الحمار لما زود السرعة .
و الحمدلله عديت على خير
و كان احساس رهيب بصراحة عمرى محسيته
و طبعا و انا جاى من غير فرامل كانت حاجه رائعة
و انا حكيتلكوا الموقف ده علشان تتعظوا انى ممكن الغير يعمل خطا +السيارة بتاعتك ممكن تقل بأصلها فى وقت غير متوقع
و ربنا يسترها معانا و معاكوا امين يارب.
وادعولى...........