[تامين سيارات]

المشاركة الأصلية كتبت بواسطة ابو هيما أولأ : أحب أبداء كلامى بالسلأم عليكم ورحمة الله وبركاته ورمضان كريم ثانياً : أنا لم أصدر أى فتوى لأنى لست أهلأ لها ولكن عند حضرتك اللينك وده بتاع موقع أسلأمى خاص بالفتاوى الدينية.. أقرأه وتمعن فى كلماته وأنت بنفسك تحكم , ولو لسه مش مقتنع بالكلأم , ارفع سماعة التليفون وأتصل ببرنامج الفتاوى فى قناة الناس وأسأل بنفسك وشوف الرد هأيكون أيه ثالثاً: قصة سيدنا يوسف مش عارف مالها ومال موضوعنا , القصة معروف الغرض منها وهوعدم التميز بين الأبناء فى المعاملة حتى لأ يتولد العداء بينهم , وكمان الصبر عند البلأء كما فعل سيدنا يوسف ثم الجزاء من الله على الصبر وأحتساب البلأء زى ما حصل فى القصة لأخرها .. مش عارف أحنا كدا بعدنا عن الموضوع خالص ليه!!!! رابعاً : يا سيدي الفاضل أنا ماجبتش كلمة نصابين خالص فى كلامى , وكل اللى قلته وده من خلأل تجربة واقعية أن فعلأُ فى ناس وناس جامدة جداً فى شركة من ضمن شركات التأمين اللى ليها معايا موقف بيخلصوا وبيصرفوا بس مقابل أنه يأخد جزء من الفلوس من تحت الترابيزة , أنا فضلت سنتين فى الحوار ده ودايخ عشان أصرف والكل عرف حكايتى من أول البواب لحد الدش المتركب فوق العمارة , فبالتالى محدش عبيط عشان يكشف نفسه أدامى على طوول من أول مرة ولكن الكلأم ده بيجي بعد فترة فتلأقى الناس بتظهر لوحدها بس لما بيطمنوا ليك ..أنا عارف أن ديه لقمة عيشك وعارف أنك حضرتك وغيرك من ممثلى شركات التأمين بتضايق من الكلأم ده . بس معلش .. الدين مافهوش فصال ورأى الدين واضح فى الكلأم ده .. والله أعلى وأعلم نيجى بقى لموضع الهيئة العامة للرقابة على التأمين .. هو مقرهم على ما أتذكر متفرع من شارع طلعت حرب , تطلع فوق تلأقى ناس محترمة جداً قاعدة فى التكيف يسمع كلأمك وبعدين يديك ورقة بيضة ويقولك أطلع أملأها برة وأكتب فيها مشكلتك كلها وصدقنى ما بيعملوش أكتر من كده , وتيجى تكلمهم بعده بفترة : عملتوا أيه فى مشكلتى , فيقول لك لسة مستنين الرد من شركة التأمين .. وحلني على بال ما يردوا ويفضل الورق عمال رايح من أيد دوول لدوول , ولأحد بيقدر ولأ حد بيحس بحد ... والحمد لله أن الرحمة فى أيد ربنا وحده ولولأ كدة كان زمان الواحد أنتحر !!!!!! تصدق بالله العظيم ويمين أتحاسب عليه أمام الله عز وجل ليوم الدين أنا بعد ما تعبت وزهقت وقرفت وكنت كل شوية أبعت زوجتى بتوكيل مني تنزل لهم من جنوب سيناء عشان تتابع معاهم , ولأ حد رحمها ولأ حد قدرظروف أنها واحدة ست .ومتقوليش كنت توكل محامى لأن واحد جارنا كان موكل محامى ول عمله أى حاجة ولحد دلوقتى ما صرفش وكل اللى كان بيعملوا المحامى انه كان بيأخد منه فلوس وخلأص ,, يعنى موت وخراب ديار . ..أكملك بقى كلأمى, مرة البيه اللى مش محترم مدير الماليات شتم زوجتى وقل أدبه عليها, تخيل لما راجل يشتم ست- يبقى ده تقول عليه أيه - وصدقنى هى ما غلطتش ولأ قلت أدبها عليه , وكل اللى عملتوا أنها زنت عشان تأخد حقها .. بعدها خرجت من بيتنا يوم 23/2/2011 توكلت على الله أولأً ثم نطقت الشهادة وقولت ياقاتل يامقتول وكنت ناوى على أذيته , وأقسم بالله أنى كنت فى اليوم ده مستعد أنى أتقتل يا أقتل عشان أخد حقى ... وأشكر الله عز وجل وأشكر نعمته صاحب الفضل الأول والأخير علي إلى يوم الدين, أنى أخدت حقى وربنا نصرنى عليهم .. عرفت ليه يافندم العلماء بيحرموا التأمين زى ما هو مكتوب فى الفتوى .. عشان ماتبقاش تحت أيد حد وعشان مايذلكش زي ما أحنا أتذلينا وأتبهدلنا على أيد شركات التأمين... وهاتروح لبعيد ليه , ما الراجل صاحب الموضوع اللى أحنا فيه بيشتكى وبيقول أنه أستلم العربية وما حدش رد عليه من شركة التأمين وياريت لو حضرتك عندك فتوى مختومة من دار الأفتاء بشرعية التأمين تحطها وتعرضها فى توقيعك ,, والموضوع سهل جدا ً ومش صعب .. تطلع على دار الأفتاء فى الدراسة وتدفع رسوم أصدار فتوى بشرعية التأمين بس ما أعتقدش أنهم هايصدروا الفتوى دى وأنا لم أقراء لهم أى فتوى شرعية تحلل التأمين زي تحريم التدخين مثلأ فى هذا الشأن .. سامحنى أنا معرفكش ومش ضدك .. ولكن أنا صريح وحقانى وبتتبع اللى بيقولوا عليه علماء الدين... والله أعلى وأعلم

السلام عليكم الشركه الى حضرتك بتتكلم عنها انا عارفها ودى مشكله عامه والهيئه كل فتره بتصرف و موضوع الفلوس من تحت الترابيزه ده اونطه ما تسمعش كلام حد ان يبقى ليك شيك ب 50 الف تدفع 10 الاف كل ده نصب الى يقولك كده قوله هات الشيك وانا ادفعلك
المحامى لو رفع قضيه هايكسبها و اسال فى الموضوع ده كويس بس

نيجى بقى لموضوع حرام الحرام يا استاذى يبقى من عامه الفقهاء بمنى لو اختلف ابو حنيفه مع المالكى فى مساله و كل واحد قال راى يبقى لا تفرض راى احد منهم على احد

و هل سيدنا يوسف لما ادخر فىالسبع سنين الرخاء للجفاف كان يتحدى امر الله او قدره لا طبعا لاكن نتعلم ان ندخر فى الرخاء للجفاف

الفكره ان لا يكون العقد غر بمعنى انه مايكنش غصب عنك و الموضوع ده متوفر لان عندك شركات كتير ممكن تختار

اقولك بقى على حاجه مافيش فى الدنيا تامين بيجدد عربيه مستحيل شوف بقى فى ناس بتبقى عاوزه تجدد العربيه باعتقد منها انه ده حقها

و لو فتحنا موضوع حلال لانه ضد قدر الله مش هانجيب حاجه انا قلت لحضرتك اتصل بدار الافتاء و شوف هايردو عليك و يقولو ايه 83107

اخيرا الفكره بس انك ماتحرمش ليه لان دار الافتاء لا تحرم و ما تنساش ان التامين ده فى السعوديه بلد الشريعه واذا كان احد عنده راى يحترم لكن مايبقاش هو الصح المطلق الا اذا كان بنص او حديث او سنه