رد: سؤال:لوعرضت الكاوتش 195/70/14 كرولا2005 يدي ثبات
بص يا باشا التغيير من مقاس لمقاس نوعين
نوع قياسى وده غالباً بيبقى محددة مصنع العربيه نفسها بحيث يحافظ على ملامح الاداء العام للعربيه زى قرايه العدادات واداء العفشه ومناسبته لتصميم بيت الكاوتش او انه ميحكش وهكذا
وده المقاس القياسى البديل ده بيبقى مكتوب فى كتيب العربيه او على القائم
ولو المصنع مش محددة ممكن انت تحسبها وليها طريقه مشروحة فى مواضيع كتير فى المنتدى
وفيه مواقع بتحسبهالك اغلبها مواقع توكيلات الكاوتش
وممكن من غير حسابات ببساطة تركب فردة الكاوتش الجديدة على الجنط وتحطها جمب القديم وتشوف انه فى الاخر يبقى نفس الارتفاع مع القديم
والنوع التانى التعديل الرياضى وبيبقى علشان تكسب ثبات اكبر
وبصراحة الكرولا بتاعتك ديه ثباتها سيىء فعلاً وشباب كتير غلبت فيها مابين تغيير مساعدين رياضى او تعريض كاوتش
لكن اكيد كل ما هتعرض الكاوتش كل ما الثبات هيزيد
واستهلاك البنزين هيزيد
وقوة الفرامل هتزيد
والسحب هيقل
خد بالك كل ميزة قصادها عيب
كمان لو قللت الارتفاع من 70 الى 65 او 60 الثبات هيبقى افضل بكتير ومحسوس اكتر خاصة لو قللت الارتفاع وعرضت
ولو عملت الاتنين وغيرت المقاس من 14 الى 15 هيبقى افضل وافضل
اصلاً المقاس ال 14 ده مش بتاع ثبات خاااااااااااااالص
وده احسن مقاس يديك ثبات هيبقى اعلى سنة بسيطة والعفشه هتبقى انشف بس هيديك ثبات محترم ومع طقم جنوط سبور هيخلى العربيه شكلها جامد
205/60R15
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|