القرار قرارك انت فى النهاية و متقلقش مهما كان قرارك هتطلع كسبان
1- العربية خرجت من الضمان بس ده مش وحش قوى .. لو حافظت عليها كويس مش هتحتاج حاجة من الضمان وخالى بالك العربية دخلت فى السنة ونص يعنى فضلها سنة ونص كمان وتطلع من الضمان .. يعنى مش هيفرق معاك قوى
2- عادى ان العربية تمشى الكيلوهات الكثير ديه .. عربيتى جايبها بتاريخ 11-3-2010 ومشيت 44 الف كيلو تقريبا بمعدل 3 الاف كيلو شهريا وعادى لما تمشى 100 كيلو فى اليوم خصوصا لو بتروح بيها الشغل والمشاوير فى القاهرة بتكون كبيرة اصلا لوسعها ... وجربت صيانة بره وجوه التوكيل ومفيش فرق غير فى الفلوس , أقسم بالله العظيم العربية كأنى لسه شاريها امبارح ومش حاسس بأى مشاكل فى العفشة والموتور والدواسات والفتيس الخ الخ الخ
3- بالنسبة لتمنها انا شايف انه معقول جدا جدا , بس لازم تسأل فى حكاية الغاز ديه لان العربية اصلا بتوفر بنزين وتكلفة تركيب الغاز فى الاول كبيرة ولازم تطمئن ان مفيش مشكلة سواء قبل الغاز او بعدها
وربنا يوفقك للقرار السليم باذن الله