المشاركة الأصلية كتبت بواسطة عظيمه
باشمهندس سامح ازيك أولا...
انت نويت تبيع ولا ايه؟؟
انا حاسس انك شرحت العربية فعلا....
او يمكن انا مش فاهم؟؟؟  |
ازيك يا عظيمه باشا ...
كنت مستني مشاركتك من اول ما عملت الموضوع لأني عارف انك اد ايه بتحب الماتريكس و بتابع موضوعاتها مع ان مشاركاتك معانا قليله ... فقلت اكيد حيشارك في الموضوع ده 
لا يا باشا ... مش ناوي ابيع خالص دلوقتي .. و لا حتى قدام كمان شويه
الحمد لله العربيه زي الفل ومريحاني و مكفياني انا و الشغل و العيله والاولاد
واللي بيفكر يشتري اكيد حيلاقي ماتريكس كتيره عامله كيلومترات اقل مني وبحالتها
كل الحكايه اني فكرت اقدم التجربه بعد فتره طويله من الاستخدام ..
اغلب الناس بتعمل تقارير للعربيه تست درايف او اول ما تشتريها زيرو او بعد شهر
لكن بعد 100 الف اكيد الوضع حيختلف والعربيه حتظهر عيوبها ومشاكلها و حسناتها و مميزاتها ... وصاحبها اكيد حيبقى على درايه اكتر بيها عن ساعه ما اشتراها
فقلت اقدم التجربه للناس علشان اشجع اللي بيفكر يشتريها واللي عايز يعرف عنها اكتر
خصوصا زي ما حضرتك عارف ان في ناس مش مستوعبه مفهوم ال MPV وبالتالي بيهاجمو العربيه او يقارنوها بعربيات سيدان او لمجرد ان شكلها مش عاجبهم !!!
فقلت اوضح الصوره كامله من خلال تجربه الاستخدام
وحاولت اكون حيادي قدر الامكان لأن اصعب حاجه ان الواحد يقيم حاجته الشخصيه المقتنع بيها بموضوعيه !! 
بس حضرتك قصدك اني شرحت العربيه يعني شرحتها بالتفصيل الممل ... و لا شرحتها بالمطوه