[تامر الفولى]

السلام عليكم ورحمة الله وبركاته
بالنسبه للفتيس لو الفتيس اللى عندك فتيس مدفع فا دا ربنا يعينك عليه لأنه بياخد 12 لتر زيت وسعر اللتر النضيف ما بين 28 لحد 35 ودا بيتغير كل 20000 كم
اما بالنسبه للبوابه الكهرياء فا دى انا اشتريتها استيراد من الجعفرى اللى فى الحرفيين وبالعافيه اخدتها ب 450
طريقة الحفاظ عليها حذارى تخلى ميكانيكى ينضفهالك عشان مش أى حد بيعرف ينضفها غير كدا هى ليها طريقه معينه بتتنضف بيها
لما يكون عندك تانك البنزين على النص روح اى موبيل او شل وقوله قبل ما يفول عاوز ازاة كلينر
وخليه يفضيها فى التانك وبعد كدا يفول عليه واقطع مشوار طويل بالعربيه فى حدود 100 كم
هتحس بفرق شاسع لأنك بكدا هتكون نضفت البوابه والرشاشات بطريقه سليمه
أرجو ان يكون كلامى فيه افاده لحضرتك