25-02-2012, 03:24 AM
|
 |
من انا؟: 18 سنه عربيات
التخصص العملى: Senior Supply Chain Manager, now Project Manager
هواياتي: سيارات , صيد, غطس , PS , سفر ,كره سله سابقا
|
|
تاريخ التسجيل: Dec 2011
الموقع: Cairo, Alex
المشاركات: 291
|
|
رد: ارجو من الاداره تثبيت الموضوع(عند شراء سيارة مستعمله يجب مراعات)
السلام عليكم
- أولا أرجو التثبيت لهذا الموضوع
- ثانيا أحب اضيف معكم
* اوعي تروح تعاين سياره وتكون دايره (لازم تكون راكنه علي الأقل ساعه) يعنى العربيه بارده ليه؟
- لو العربيه متلته (يعنى عيزه 1/2 عمره بأختصار) مش هتدور ألا بطلوع الروح وتلأي دخنه بيضه من الشكمان (كل ده هيروح لما تسخن العربيه) بس لو واحد فاهم عربيات هيعرف حتى لو سخنه من دواسه البنزين (سنس دوسه البنزين بيحسسك)
- لما بتدور العربيه و هيا بارده (80% من عيوب الكهرباء بتبان)
- بتحس بالدينامو (كفاءته)
- المارش
- الرشاشات أو الكربراتير (مسدود ملمس نص عمر)
* لو العربيه مانيوال
- خلي بالك من رجلك الشمال اثناء النقله , لو حسيت برعشه بسيطه فى الدبرياج , يبقى العربيه ديه فاضلها سيكه بصيطه و تجيب اسطوانه دبرياج
- اوقف بالعربيه علي مطلع بالعكس وهات مارش , سواء مانيوال أو أوتو
ودوس بنزين بسيط وشوف ألات الجر بتاعت العربيه (مهو علي طريق عادي مش هتحس بحاجه أكيد هتمشى)
ونفس الكلام للأمام ( وفي كلا الحالتين دوس بنزين هبابه وأعتمد علي الدبرياج فقط لو مانيوال ) لو أوتو D بس وشوف قوتها
* مشي ايدك علي الكاوتش (مش مشكله توسخ ايدك دي عربيه مش علبه سجاير هترميها وتجيب غيرها)
لو الكاوتش عامل ريجه (ريجه يعنى حته أعلي من حته سواء بالطول أو العرض) أعرف ان العربيه ديه كانت بتتفحت لعب وأمركه
* سوق العربيه وعدي ال 80 وقول لصاحبها (تمام أنت لسا ظابط زوايا) لو قالك أيوه انا لسه ظابط زوايا , اديها فرامل يا معلم (بس خلي بالك لو فيه حد وراك) لما تدوس فرامل خطر فوق ال80 أو 60 لو العربيه عاملا حادث هترمي يمين أو شمال بشكل مبالغ فيه ( بس طبعا ممكن برضه تكون عاملا حادث و ظابطها صح و مترميش)
سلام انا دلوقتى علشان كمان شويه رايح اصطاد وعايز أنام
 : Wkiss5:
__________________
Ahmed Felefel
|