المشاركة الأصلية كتبت بواسطة Mema75
الف شكر يا محمد باشا عن المعلومات الجامده دى
عندى سؤال ياريت تجاوبنى عليه لانى محتار جدا
عايز اشترى عربيه مستعمله وبقارن ما بين اتنين اوبل فكترا 1600CC 98 او 99 وسيفك 93 او 94 انا عايش حاليا فى الغردقة لكن انا قاهرى وباحتاج اسافر بالعربيه عندى اسره صغيره فياريت تقولى ايه رايك ايهما الانسب من حيث الاعتمادية والمتانه وطبعا الاقتصاد
جزاك الله خيرا وجعلك من عباده الذين اختصهم بقضاء حوائج الناس
مصطفى
|
أخي العزيز مصطفى
جزاك الله خيرا على الكلام الجميل
والله العربيتين دول حلويين جدا ورغم انى هونداوي أبا عن جد لكن في رأيي المتواضع ان الفكترا 98 تكسب المقارنة بالشروط اللي حضرتك ذكرتها
1- المتانةو الأمان و العزل لصالح الفكترا (عوامل هامة للسفر الكثير)
2-الإستخدام العائلي لصالح الفكترا
3- قطع الغيار أعتقد إن الإثنين في نفس المستوى
4- إستهلاك البنزين وقوة المحرك لصالح الهوندا
5- سعر إعادة البيع لصالح الهوندا
نصيحتي لحضرتك : صلاة إستخارة ثم توكل على الله فيما تشعر إنك مقتنع به
ربنا يوفقك
__________________
قال رسول الله صلي الله عليه وسلم( إن لله عبادا اختصهم بقضاء حوائج الناس, حببهم إلي الخير, وحبب الخير إليهم, هم الآمنون من عذاب الله يوم القيامة).