[hazem_khidr]

كل عام و انتم جميعا بخير

بمناسبه قدوم شهر رمضان المبارك اعاده الله علينا جميعا بالخير و اليمن و البركات
و محاوله من اسره المنتدي دائما لزياده التعارف بين الاعضاء و الموده و الحب
تم الاتفاق و كعاده سنويه علي التجمع يوم من ايام رمضان للافطار سويا و التعرف علي بعضنا البعض

فكره المقابله :
كنت و الحمد لله صاحب فكره الافطار الجماعي منذ اول افطار و اصبحت عاده سنويه لا يمكن التنازل عنها


الغرض من الافطار الجماعي:
بالطبع ليس الغرض من الافطار هو الاكل و لكن الغرض الاساسي هو التعارف علي بعضنا البعض و قضاء وقت ممتع سويا في احدي ليالي رمضان ذات الطابع الخاص الذي لا ينسي و علي مر السنين و بالتجربه نستطيع ملاحظه ان افضل مقابله هي مقابله شهر رمضان لما تحتويه من صبر علي الجوع و العطش و احضار المأكولات و الصلاه في جماعه و كل تلك الامور مما تزيد من صداقه بعضنا البعض


مكان المقابله و الميعاد و جميع الترتيبات:

المقابله يوم الجمعه الموافق 20 اغسطس 2010 بدايه من الساعه 2 ظهرا و الي الساعه 4 عصرا يكون التجمع و بعد ذلك سوف يقوم اثنان من الاعضاء بجمع النقود و الذهاب لشراء المأكولات المتفق عليها حتي تكون جاهزه علي الافطار

المكان: ربوه مدينه نصر في الحي العاشر
وصف الطريق:
القادم من طريق الاسكندريه الزراعي:
بعد قليوب حتلاقي الطريق الدائري تنزل من تحته و تطلع في اتجاه مدينه نصر و تمشي لحد ما يقابلك نفق المطار تنزل منه عادي جدا و بعد نفق المطار بحوالي 10 كيلو حتلاقي نفق تاني ما تنزلوش و تعالي من جنبه يمين و امشي حوالي 100 متر حتلاقي صينيه قدامك و علي اليمين حتلاقي الربوه تدخل و تركن و تطلع حتلاقينا مستنيينك بأذن الله

القادم من طريق الاسكندريه الصحراوي:
بعد البوابات بحوالي 1 او 2 كم حتلاقي المحور بعرض الطريق تعدي من تحته و تطلعه و تفضل ماشي حوالي 10 كم لحد ما حتلاقي الدائري بالعرض برضه
حتنزل من تحته و تلف تطلع في اتجاه مدينه نصر و تفضل ماشي علي الدائري لا شمال و لا يمين لحد ما تلاقي نفق المطار حتنزل منه عادي جدا و بعدين تانينفق علي بعد حوالي 10 كم ما تنزلش منه و تيجي يمين و تمشي 100 متر حتلاقي صينيه قدامك و علي اليمين حتلاقي الربوه تدخل و تركن و تطلع حتلاقينا مستنيينك بأذن الله


القادم من داخل القاهره :
تشوف اي طريق يوصلك لحد سوق العاشر للسيارات و تفضل مكمل للاخر حتلاقي صينيه في وشك لف الصينيه


الطريق سهل جدا و يا ريت اي عضو يعرف يحط خرايط للطريق يحط.



بالنسبه للأكل حيبقي عندنا اختيارات كتير جدا لاننا في مدينه نصر و حيبقي فيه مطاعم كثيره
و برضه بأكد ان الغرض من المقابله هو اللمه الحلوه و الصحبه الجميله

و ان شاء الله نلاقاكم علي خير يوم الجمعه