السلام عليكم ورحمة الله وبركاته
دلوقت عندى مشكلة غريبه جدا
خدت العربيه فى مشوار حوالى 15 كيلو دايركت من غير زحمه وكنت ماشى على سرعه 90 طول الطريق لغاية ما جيت الف صينية علشان الف وارجع تانى وهوب راحت مبطله دورنا العربيه راحت مبطله تانى دورنا وشديت الشفاط راحت اشتغلت ومبطلتش تيجى تقفل الشفاط تبطل
وكمان فيه ملحوظه الاول لو كانت العربيه مبطله وتيجى تدورها وانت شادد الشفاط تدور من اول تكه دلوقت لو شادد الشفط وحاولت تدور عمرها ما هتدور الا لو قفلت الشفاط خالص وبعد ما خلاص تبداء تدور تقوم شادد الشفاط علشان متبطلش على السلانسيه
ياترى المشكلة ديه مشكلة ايه بالظبط ؟؟؟؟؟
مع العلم انى قبل ما اروح المشوار ده كانت العربيه بتشتغل عادى على السلانسيه هو يادوب اخدت المشوار دايركت وجيت الف علشان ارجع تانى راحت مبطله ومن ساعتها حلفت ما تشتغل على السلانسيه
وجزاكم الله خيرا