[مصطفى محمد منصور]

طبعا مع احترامي للجميع فى العربية دي
العربية دي فوق الممتازة وهي موجودة ى مصر فى فئتين
كابينة واحدو او اتنين كابينة وفئاتها 2500سىسى و 2700سىسى
والوانها اللي انا شوفتها كانت ابيض ورمادي واسود وصاصي فاتح اوي وبرتقاني فى بعض الشركات المقاولين العرب
ومنها الازرق اللي موجودة فى معظم كماين الشرطة فى مصر
العربية دي طبعا قوية جدا جدا وهي جميلة اوي وعالية عن الارض بمسافة جميلة جدا
يعني ولا مطبات ولا حفر
وفيها 2 فتيس واحد عادي والتاني غرز
وفي منها بنزين وفي منها جاز (سولار)
السيارة جميلة جدا وفيها تكيف وشبابيك كهربا وسنتر لوك
واللي هي متغطية الصندوق اسمها علب
واللي صندوقها فاضي من ورا اسما حصيرة دي مسمياتها هنا فى اغلب معارض القاهرة
وعامة سعرها بيبتدأ من 180000 الف جنيه