عرض مشاركة واحدة
  #5  
قديم 02-04-2011, 09:38 PM
abdullahalbadry abdullahalbadry غير متواجد حالياً
 
تاريخ التسجيل: Oct 2010
المشاركات: 21
abdullahalbadry will become famous soon enoughabdullahalbadry will become famous soon enough
افتراضي رد: الى خبراء الاوكتافيا فانتزيا 2011وكذالك مالكيها ماهى عيوب السيارة؟

متشكر جدا لرد حضرتك والاهتمام بالسؤال كان عندى شوية اسئلة لو سمحت
1-هل التكييف بتعها قوى اصل انا سمعت انة ضعيف
2-هل العفشة بتعتها ناشفة بتتعب فى السفر البعيد
3-حضرتك شارى الخليجى بكام وتنصحنى اشتريها منيين
4-هل حضرتك المشكلتين اللى ذكرتهم متاثرش على العربية زى منا فهمت كدة التسارع بتعها متواضع.
5-لون عربية حضرتك اية وتنصحنى باى لون يكون مظهر العربية دى بالذات.
6-هل جهاز الجى بى اس شغال معاك كويس. ومتشكر لحضرتك عن الرد وربنا يباركلك فيها

أنا هرد على أسئلتك بالترتيب :
1- بالنسبه للتكيف بتاعها مش وحش بس مش زى اليابانى ، وده مش لضعفه (كل الألمانى كده عموما) وإنما لان الصالون بتعها مليان مش زى اليابانى فده بيخلى العربيه متبردش بسرعه زى اليابانى ، إنما لو إستخدمته بالليل هتلاقيه كويس (عشان مفيش شمس فالحراره بتبقى أقل) ، إنما التكيف عموما مش وحش يعنى ممكن تعطيه 8 من 10 بس من مميزاته إنه two zon، وفيه فتحات فى الخلف للركاب فى الخلف ، وفتحات تحت الكرسيين الأماميين للركاب فى الخلف ، عموما زى ما قلت 8 من 10
2- بالنسبه للعفشه مش نشفه زى السيراتو بجنط 17 ولكن العربيه أصلا وزنها ثقيل فده بيحسسك إنه بتدبدب وخصوصا مع الجنط 17 ، بس دبدبه مش بتتعب وخصوصا فى المسافات ، لان العربيه ثابته بشكل يخض ود بيخليها مكلبشه فى الأرض والدبدبه بتبقى مش جامده
3- أنا معايا الخليجى ، وإشتريتها بعد مقارنه طويله بينها وبين المصرى ، المصرى الهاي لاين فئتين الأولى ب 208 ألف والثانيه 210 ألف ودى فيها جى بى إس ، أما الخليجى الهاى لاين فهى 203 ألف وفيها جى بى إس وفرش جلد وكماليات أكتر من المصرى وكمان جنط 17 وده مبينزلش فى المصرى ، والباركينج سينسور ورى وقدام أما المصرى وره بس وأنا شاريها من عند السعداوى فى مدينة نصر والعربيه كان سعرها 205 الف بس لانى زبون خدتها ب 203 الف ولو عاوز إنوى بس وأنا أكلمه ليك
4 - ابدا وزي ما قلت ليك العربيه تقيله فى اول وثانى لان وزنها ثقيل ، بس بعد كده بتبقى زى الفل ، خصوصا وأنها 6 غيار وفيها نقله رياضيه (غير التيب ترونيك ) بتخلي أستجابتها أعلى .
5- لو العربيه بتعتى عنابى (أو بتنجانى) وفيها عدة ألوان جميله ، بس بالنسبه لإختيارك لللون ده زوقك إنت ، عموما خليك بعيد عن الأحمر الفاتح (أحمر مارلبورو) لانه ثقيل فى البيع بعد كده والأسود لانه ما بينضفش مهما غسلته (بيلم عفره وتراب) أما أفضل الألوان العنابى أو النبيتى ، الفضى ، البيستاج ، الكافيه أو البنى الفاتح ، الأزرق السماوى ، وإنت وزوقك بقى (بس أنا شايف إن النبيتى مديها فخامه وده زوقى أنا).
6- للأسف مش شغال ، وأنا إلى الأن ببحث عن حد يدلنى على كيفية تشغيله خصوصا وإن الوكيل فى مصر زى قلته بالنسبه للموضوع ده ، حد يقلى أنه مش شغال فى مصر ، وحد يقلى إنه محتاج إشتراك ، وحد يقلى إنه محتاج لسفت وير ، عموما أنا براسل سكودا فى دبى وربنا يسهل ويفيدونى.
أخيرا وملخص لما سبق العربيه رائعه بالنسبه لراجل عنده عيله أو واحد مش بتاع كيك داون بس بيمشى بسرعه (140 -180) أو واحد بيحب يركب عربيه ثابته وفخمه وأمان . وأرجوا أن أكون أفدتك وبالتوفيق:ff5a34af6efef0e 643e
رد مع اقتباس