انا كنت عامل اعلان اني عاوز لانوس 1 لاخو مراتي والحمد لله ربنا وفقنا واشترينا واحده 99 تكييف وباور فقط حالته ممتازه عامله 155000 كم فابريكه دواخل وسقف وشنطه من الخارج فابريكه اشتريت ب 37000 جنيه المهم بقي
عاوز اعملها صيانه كامله فمن معرفتي المتواضعه هغير الاتي
فلتر هوا
فلتر بنزين
فلتر تكييف
فلتر زيت زيت موتور
سير دينامو
سير كاتينه وبليه وشداد
طقم بوجيهات
تيل فرامل امامي وخلفي
كده بقي في حاجه تاني ناسيها ولا كده تمام
غطا القربه مش موجود هل بيتباع لوحده ولا لازم اجيب القربه كامله
الدركسيون تقيل حاجه بسيطه وانا بصيت علي زيت الباور تمام هل في حاجه تاني ابص عليها ولا اغير زيت الباور
زيت الفتيس مظبوط المقاس بتاعه ومش ناقص ومفيش مشاكل في الغيارات اغير زيت الفتيس ولا اسيبه علما باني عارف ان اللانوس مفيهاش طبه للزيت بس مش فارق معايا احل الكارتيره المهم اغيره ولا اسيبه
ارجو الرد والافاده من اصحاب اللانوس وذوي الخبرات
لان دي خبراتي انتو دلوني
وشكرا للي هيفيدوني بردهم