|
أطلاق حملة داخل مصر موتورز للاقلاع عن التدخين
السلام عليكم
الفكرة دية جات فى دماغى لعدة أسباب يا جماعة .
أولا .طبعا كلنا عارفيين مخاطر التدخين ومشاكلة للمدخن ولغير المدخن وبصراحة كدة غير المدخنيين هما اللى صعبنيين على الواحد .
ثانيا . أحساسى بأن مصر موتورز أصبح مجتمع صغير وجميل شايف فية أحترام متبادل بين أفرادة وتعاطف واضح وملموس تجاة مشاكل الاخريين ومحاولة حلها من كل من لهة القدرة على ذلك . كمان أسلوب الحوار الراقى والمهذب ومراعة الاداب والذوق من كل الاعضاء بلا أستثناء حاجة فى منتهى الروعة .
ثالثا . وصول أعضاء منتدانا لخمسين ألف عضو . ربنا يبارك تخيلوا معى خمسين ألف شخص محترمين مهتمين بمجال رائع مثل مجال السيارات يتمتعون بالاخلاق الرائعة التى أراها فى هذا المنتدى وفوق هذا كلة لا يدخنون .
رابعا . محاولة خلق قضايا للتأكيد على أن مصر موتورز منتدى ذو أبعاد أجتماعية ومحاولة الاستفادة من هذا المجتمع لفعل شىء جيد لهذا البلد
خامسا . معلش يا جماعة البند دة شخصى أنا من أشد أعداء التدخيين وممكن أعمل 100 مشكلة فى اليوم علشان التدخيين وكمان نفسى فى شوية حسنات من الموضوع دة يااااااااااااااااا رب .
أنا بقترح أن كل شخص فى مصر موتورز موافق على الموضوع دة يقوم بوضع أستيكر على سيارتة يفيد بأخطار التدخيين .
وكمان ياريت كل الاعضاء المدخنيين يقولوا قصتهم مع التدخيين وكم عدد محاولات الاقلاع عن التدخيين واسباب الفشل وياريت أعطاء وعد بمحاولة قوية ونهائية .
وشكرا .
|