السلام عليكم ،
أولا أدعوا الله بأن يحفظنا و يحفظمك من شر الحوادث و السيارات ،
من ثلاث أسابيع كنت مع أبن عمتى فى عربيته على طريق الساحل و فجأة لقينة كارينز طايرة من جانبنا
تقريبا على سرعة 160 و أول ما ابتعدت عنا ب 200 متر و عينك ما تشوف إلا النور الطريق اتردم تراب
و كأن فى عاصفة و عرفت فى ثانية انها حادثة و احنا كنا أول عربية بعد الكارينز على طول ، عملنا انتظار
و هدينا لحد ما وصلنا للعربية و هى كانت فى نص الطريق و نزلنا لقينا العربية قاعدة على ركبها
(مربعة على العجل) مش عارف ازاى
و لقيت اتنين
مرميين على الأرض و بينزفوا و مفتحين عينهم عالأخر واحد اللى اتخبط و التانى السواق و طبعا مش
هاقوللكوا المصريين بيحبوا
يخدموا ازاى لقيتهم بيقولوا يالا يا رجالة نشيلهم من الطريق عشان العربيات قاموا هيلا هوب شالوهم
زى
المراتب و حاطوهم على جانب الطريق و عماليين يفوقوا فييهم قام ابن عمتى اتحرق دمه من المنظر
ده خصوصا ان لو واحد منهم كان عنده كسر و ده أكييد الاصابة هتزييد فالمهم دخل قايلهم محدش
يلمسهم لحد ما الاسعاف تيجى فا واحد قام قايلوا هو حضرتك دكتور
فرد عليه قاله هو احنا يا نكون بهايم يا نكون دكاترة ، المهم فهمت منهم ان فى واحدة ست راكبة بي ام منها لله
هى السبب فى ده كله عشان الهانم كانت راكنة و طلعت مرة واحدة من غير ما تبص فى المراية و
سواق الكارينز كان جاى بسرعته فاضطر انه ينعطف عشان يتفداها و بالصدفة كان فى واحد بيعدى
الشارع و دشششششششششششششششششششششششش ششششش و حصلت حاجات غريبة تانية
للعربية مفهمتهاش، المهم ان سواق الكارينز ماكنش رابط الحزام فا طبعا لبس فى الدركسيون و طبعا
الايرباج ما فتحش عشان العربية ما لبستش فى خاجى الراجل اللى يدوبك تنا الكبوت
، فاتمنى ان الكل يتعظ و يتأكد ان الحزام لأمان النفس لا للأمان من المخالفات
و جابوا جرار فى النهاية عشان يزيحوا العربية عن الطريق ،، ادعولهم يكونوا قاموا بالسلامة
وأسيبكوا مع الفيديو و الصور اللى قدرت اصورها
لتكبير الصورة يرجى الضغط عليها