السلام عليكم و رحمة الله و بركاته
هذي بعض مواصفات المورانو الخليجي موديل 2009 اللي على وشك انه يوصل ان شاء الله للخليج في خلال أسبوع أو أسبوعين بالكثير مع الاسطورة GT-R
المواصفات اللي بذكرها في هالموضوع هي مواصفات الفل كامل LE ، و يجي تحته 3 درجات : نص فل درجتين SE2 , SE1 و اللي تحتهم هو النوع السياحي
أول 3 عيوب في المورانو الجديد حسب ما أشوف هي : ان الجنوط راح تكون 18 بوصة في كل الدرجات ، جنط الـ 20 ما راح يتوفر في السيارة
ثاني شي ان التخشيب مو متوفر بالسيارة في أي درجة
ثالث شي و هي نفس الغلطة في الجيل الأول : عدم توفر أنوار ضباب في الأمام
نبدأ بذكر مواصفات السيارة:
- محرك V6 من سلسلة VQ سعة 3.5 لتر بدفع على كل العجلات مع قير CVT بتبديل يدوي ( السياحي بدون تبديل يدوي )
- فرامل أمامية و خلفية مهوأة
- مقود تلسكوبي متحسس لسرعة السيارة بتحكم كهربائي مع ذاكرة مع القدرة على التحكم بالملاحة و البلوتوث و تثبيت السرعة
- عصا الناقل مغلفة بالجلد المضاد للبكتيريا
- فرامل يدوية ( جلنط ) أرضي
- النوافذ الأمامية آلية الفتح و الإغلاق بلمسة واحدة مع خاصية التراجع عند الإعتراض
- مفتاح ذكي مع زر لتشغيل و إطفاء السيارة
- طبلون فاين فيجن ( مقارب لطبلون الألتيما ) مع إضاءة زرقاء خارجية للحلقات
- كمبيوتر الرحلة ( يشمل معدل السرعة و معدل صرف الوقود و مذكر الوقود في حال انخفاضه و درجة الحرارة الخارجية )
- جنوط ألمنيوم بقياس 18 بوصة مع إطارات بقياس 235/65 آر 18 مع صبغة كروم ( فقط في الفل كامل ) و بدون صبغة كروم في باقي الدرجات مع إطار احتياطي بنفس المقاس
- سقف مع سياج على الجانبين بلون كروم بالفل كامل و باللون الأسود في باقي الدرجات
- طبعا الطراز بيكون اسمه على الباب الخلفي مورانو LE AWD للفل كامل و SE AWD للدرجتين الأقل و AWD للنوع السياحي على الجهة اليمنى و على الجهة اليسرى MURANO
- زجاج السيارة بيكون مقاوم لأشعة UV
- مرايا جانبية قابلة للطي كهربائياً ( ما عدا السياحي ) مع حفظ الوضعية المفضلة في الميموري
- فتحتين سقف ( سقف بانورامي ) في طراز LE و SE1
- مرآة داخلية ذات تعتيم آلي ( ما عدا السياحي )
- أنوار زينون مع ضبط الإرتفاع بشكل يدوي
- أنوار خلفية LED
- مساحات أمامية مستشعرة للمطر ( الإنفنيتي FX لا تتوفر فيها !! ) مع مساحة خلفية
- كاميرا خلفية ( ما عدا السياحي )
- مقاعد جلدية بتحكم كهربائي للمقاعد الأمامية ( ما عدا السياحي )
- مقاعد خلفية بطي كهربائي ( ما عدا السياحي )
- ديكور داخلي ألمنيوم
- باب خلفي بفتح و إغلاق كهربائي ( الفل كامل فقط )
- مكيف اوتوماتيكي بتحكم منفصل في درجات الحرارة للسائق و الراكب الأمامي
- نظام صوتي من BOSE بـ 11 سماعة مع تشغيل اسطوانات MP3
- نظام ملاحة مع شاشة 7 بوصات مع بلوتوث ( في الفل كامل فقط )
- نظام ترفيهي خلفي مع سماعات لا سلكية و شاشة 9 بوصات ( طراز SE2 فقط )
- وسائد أمامية و جانبية و رأسية
- نظام مضاد للسرقة
- أنظمة ABS , TCS , EBD , BA , VDC
- حساسات أمامية و خلفية ( ما عدا السياحي )
يمكن البعض لاحظ ان الفتحتين متوفرة في الطرازين اللي ما فيها نظام ترفيهي خلفي و اللي فيها النظام الترفيهي ما فيها فتحتين ، لأن الفتحتين تاخذ تقريبا أغلب السقف فما يكون فيه مكان للشاشة الخلفية
هذي صورة للفتحتين ، كيف انها ماخذة أغلب السقف
داخل السيارة بدون تخشيب راح يكون مثل كذا
السيارة بتتوفر بـ 8 ألوان خارجية لكن ما راح يكون النحاسي متوفر ضمن الألوان ، و لونين داخلية اللي هي البيج و الأسود ، اللون الأورانج أيضا ما راح يكون متوفر باللون الداخلي
هذي تقريبا أبرز مواصفات السيارة ، و الأسعار للحين ما عندي أي علم فيها لكن ان شاء الله ما تتجاوز الـ 150 ألف ، مع اني اتوقع ان الفل كامل بيوصل السعر هذا و يتعداه
طبعا المواصفات قابلة للتغيير في أي لحظة ، و ان شاء الله اذا تغيرت تتغير للافضل
ارائكم بمواصفات السيارة الخليجية ، و هل تتوقعون نجاحها أكثر من الجيل الأول ؟؟
منقول نصاً
الموضوع الاصلى
http://nissan-arabia.com/vb/showthread.php?t=38959