المقادير:-
فراخ متنضفة كويس
ورق لورى
الخلطة اللى هنتبل بيها الفراخ وهى عبارة عن(واحدة طماطم-فلفل اخضر-بصلة-كسبرة ناشفة وفلفل وكمون وملح وملعقة زيت واى توابل انتى تحبيها وممكن لو حابة كمان تضيفى شوية كسبرة خضرا)
شوية بطاطس متقطعين شرايح او خضار لفرش الصينية.
الصوص اللى هنحطها على
الفراخ فى الاخر عشان تاخد لون حلو وطعم احلى وهى عبارة عن(ملعقتين صلصة طماطم مضاف عليهم ملعقتين خل وشوية ماء وملح وفلفل وتوابل ولو حاباها حراقة نحط شطة)
الطريق:-
بعد ما نضفنا الفراخ هنتبله بالملح والفلفل ونحاول نفصل الجلد عن
اللحم بالطريقة دى تحاولى تدخلى صباعك من عند الرقبة وتحاولى تفصلى الجلد عن اللحم من الظهر والصدر زى كدا
بعد كدا هنتبل الفرخة بالخلطة اللى احنا عملناها ليها(
بس نخلى شوية من الخلطة على جمب بتاع ربع الخلطة كدا عشان هنحطها على الخضار اللى تحت الفراخ) وهندخلها بين
الجلد واللحم ومن برة ونحط ورق اللورى واحدة فى الظهر وواحدة فى الصدر وبعدين نكتف الفرخة كويس عشان متهربش مننا فى اى حته هههههههه زى كدا
دى الخلطة اللى هنحشى بيها
الفراخ
دى
الفرخة بعد ما اتكتفت
ساعتها بقه هتكونى مجهزة
الصينيه اللى هتحطى فيها الفرخة وتكونى حطيتى فيها شوية بطاطس متقطعين شرايح او شوية خضار انا عن نفسى حطيت الاتنين وتضيفى عليهم الخلطة المتبقية من حشو الفراخ وبعد كدا نحط الفراخ على الخصار فى الصينية و ترشى شوية زيت بساط خالص على
الفرخة وتغطيها بورق المونيوم وتدخليها الفرن لمدة ساعة او لغايت ما تحسى انها استوت.
بعد كدا طلعيها من الفرن وحطى عليها الصوص اللى احنا عملناه زى كدا.
بعد كدا هتدخليها الفرن او
تحت الشواية لغايت ما تاخد لون حلو كدا وتطلعيها وتاكليها وبالهنا والشفا وده شكلها بعد ما خلصت بس انا استعجلت شوية عليها عشان كنا جعانين فمخدتش اللون الصح انتى اصبرى عليها شوية
وده شكلها بعد ما خلصت بجد طعمها تحفة والخضار اللى تحت منها حكاااااااية.
هااااااااااا ايه رايكم بقه؟
الف هنا و شفا منقول