جبت كاسيت جديد وعاوز رأيكوا ؟؟؟
صباح الخير على أحلى منتدى و أحلى ناس,,,
انا امبارح اشتريت كاسيت من واحد صاحبي علشان اركبه في عربية والدي هوا مسافر وسيابلي عربية لانسر 2004 وطبعاً والدي كان مركب كاسيت تعبااااااااااان مووووووووووت مع ان العربية فيها اربع سماعات والمفروض الصوت يكون تحفة بس طبعاً والدي كل الي بيسمعه اذاعة القرآن الكريم ومش فارق معاه الصوت نقي ولا لا وصاحبي دا مستخدمش الكاسيت كتير والكاسيت حالتة نضيفة ومعاه اتنين ريموت هوا سوني اكسبلود وشرايط وشاشة ديجيتال ومعاه السي دي تشانجر بتاعه سوني اكسبلود بردو هوا 10 اصطوانات بس اوديو مش ام بي ثري.
انا جبت الاتنين ب 500.00 جنية بس الصوت بجد تحفه وصوت السي دي جميل جداً وفعلاً السماعات الي في اللانسر جميلة جداً بس عاوزة كاسيت نضيف يقومها.
ورحت بعدها اسبير كار الي في التجمع ركبلي الاتنين وخد 50.00 جنية تركيب بس بصراحة ناس محترمين جداً قولت لازم اشارك الناس الجميلة الي هنا دي فرحتي.
__________________
الحمد لله والشكر لله.
|