[د.هبه77]

اصلا الموضوع قابل للوجهين
بمعني ان داخل كل واحد جزئين ممكن انا اشوف انجازات صدام والتقدم العلمي الباهر اللي كان في عصرة والموارد المالية الضخمة اللي كان مخصصها للعلم والتقدم
وعلي الوجة الاخر المذابح والرعب والقهر اللي كان بيتعامل بية مع شعبة
ومع ذلك لما شنق اول يوم العيد تزامنا كما يفعل مع الخراف اتعمل دة لية لاثارة المسلمين واغاظتهم وحرق دمهم

ومبارك لما عمل اللي عملة مكانش في يوم وليلة
بمعني ان هو كان في فتنة ومحدش هيقدر يحس بيها الا اللي كان فيها هو الوحيد اللي قعد ع الكرسي لا انا ولا انت
انا مبلتمسش له اعذار لا انا بقول هو عمل كدة لية
فصلوة عن الواقع واخبار مغلوطة
كان مفروض ينزل يشوف بنفسه اي نعم
ولكن
مش كان من دعاء عمر رضي الله عنه البطانة الصالحة
لية السديسي في كل سنة رمضان كل يوم يدعي بان ربنا يرزق الحاكم عندهم البطانة الصالحة؟
لية مفيش حاكم بيطلع ع الكرسي الا ويصاب بالفتنه بصورة او باخري
ربنا سبحانه وتعالي قال المال والبنون زينة الحياة الدنيا
سطوة المال تعمي الابصار
هو طغي فعلا وعمل زي فرعون موسي
طب هو كان جزاء فرعون اية
فاليوم ننجيك ببدنك لتكون لمن خلفك اية
يعني ربنا اخرجة من اليم بعد موته ليراه الناس بعد ذلك للعظة طيب ما هو كان حاكم وقارون كان حاكم ولكن طغي وتجبر
انا مبقولش نقطع مبارك بالعكس انا يمكن اتاثرت لما شفته كدة ولما قال افندم!!!
ولكن الصراع الداخلي بين الرافة حتي بمن ظلمنا عند وقوعه بموقف الضعف وان ذلك يندرج ايضا تحت مسمي الاستهزاء بمنصب الرئيس
وبين الثار ممن ظلمنا وتطبيق العدالة و يكفي نظرة واحدة لأم شهيد او النظر لاحوال قاطني العشوائيات او اثار حربه ضد الاسلام وسعيه في الارض بالفساد
انما جزاء الذين يحاربون الله ورسولة ويسعون في الارض فسادا ان يقتلو او يصلبو او تقطع ايديهم وارجلهم من خلاف او ينفو من الارض ذلك لهم خزي في الدنيا ولهم في الاخرة عذاب عظيم

وعموما في النهاية سواء غلبنا ايا من الجانبين فمن الواضح ان المحاكمة لن تجدي شيئا
مجرد تطويل للوقت
مجرد تهدئة للشعب
من الاخر هي مسكن!!!