رد: كل شئ عن سيارات اسبيرانزا CHERY SPERANZA M11 , M12
الجمد لله وبتوفيق من الله استلمت امس m12 لونها احمر مارلبورو من ابو الفتوح اللي في المعادي السيارة مع الركوب الاول لها من المعرض الي حلوان ممتعة وتحس بفخامة وانته راكب انوار العدادات احمر شيطاني زي ما بيوصفه مهندسي السيارات وانا متعود علي اللون ده لاني نازل من الماني سيات قرطبة التكييف بتجربته لمدة 5 دقائق ممتاز وفترة التسقيع سريعة عن القرطبة طبعا مكنتش حاسس بمطبات والعفشة نعمة جدا طبعا كل ده لانها لسه 33 كيلو متر وان شاء الله هنزل التقارير في مواعيد الصيانة الدورية وهكلم ان شاء الله علي السلبيات والايجابيات خاصة اني طبيعة عملي السفر من 3 الي 4 شهور في السنة لمناطق مختلفة الساحل الشمالي - اسكندرية - بورسعيد ودمياط وطبعا محتاج عربية تستحمل وفيها كماليات كتير خاصة التكييف والثبات والسحب وعلشان ان ناوي والنية لله يكون موضوعي ده من افضل الموضوع علي المنتدي يخض الام 111 والام 12 علشان نضع امام من يرغب في الشراء الصورة كاملة واوضحة قبل العزم علي الشراء وذلك بحيادية كاملة وشفافية دون التحيز لتوكيل او اسم معين
انتظروا مني الجديد بأذن الله قريبا
|